«Хум чуптурĕ çыран хĕррине...»

Хум чуптурĕ çыран хĕррине,

Шăпăртах шăпăрланнă сар эрĕм.

Юлашки юрату юррине

Юратусăр каçа парнелерĕм.

Сывлăша çавăратăп аран.

Халь пĕр туйăмсăр лăпкă çанталăк.

Шурă кăпăк — шур аркă таран,

Аркăма хум чӳхерĕ пĕр авăк.

Ӳпкелеш, ятласах-тăк, ятла,

Юрату та вилмест пуль сăлтавсăр.

Шыв çине чĕркелетĕп ятна,

Çырăнмасăр çĕтет вăл пĕр шавсăр.

Çĕнĕ комментари хуш