«Тĕл пулса пĕр чĕнми калаçма...»

Тĕл пулса пĕр чĕнми калаçма

Май килессĕн сунманччĕ те тек.

Алă пар юлташна юлташла,

Савнилле алă парăп халь эп.

Пурнăçла юлашки ыйтăва

(Ан тинкер уйрăласщăн мар пек):

Кăчкине çурайман-ха хăва,

Парнеле мана хăрнă чечек.

Манса кай эс куççуль пуррине!

Тĕнчере эпир çеç санпала

Пĕр чĕнми калаçма пĕлнине

Нихăçан... никама... ан кала...

Çĕнĕ комментари хуш