Çутта хирĕç

Николай Шелепи | Сăвă | 1917 | революциччен çырнисем | 269


Шурăмпуçĕ çуталчĕ,

Тăрăр часрах, ачасем!

Кăпăр-капăр тумланăр,

Çăвăр питĕр-куçăра.

Тăрăр, тăрăр хăвăртрах,

Уçăр часрах ăйхăра,

Тĕттĕм çĕрте тăрас мар,

Пĕрмай хуйхă-суйхăра.

Пурте харăс çĕкленсе

Тăрук сиксе тăрăр та,

Çитсе ӳкĕр çиçĕм пек

Çутă патне пурсăр та!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: