Юрла-юрлах, ташла-ташлах пӗтетпӗр...

Юрла-юрлах, ташла-ташлах пĕтетпĕр, —

Упрамасан Тăван Чĕлхемĕре.

Кула-кулах, шавла-шавлах пĕтетпĕр,

Текех пулмастпăр çакă тĕнчере.

Кама çак кирлĕ?.. Раççее, тен, кирлĕ?..

Çук, Раççее ку пĕртте кирлĕ мар!

Этемлĕхе, тен, çакă питĕ кирлĕ?..

Кирлех пулсассăн, калăр: мĕн тума?!

...Юрла-юрлах, ташла-ташлах пĕтетпĕр, —

Упрамасан Тăван Чĕлхемĕре.

Кула-кулах, шавла-шавлах пĕтетпĕр,

Текех пулмастпăр çакă тĕнчере.

11.11.21

Çĕнĕ комментари хуш