Тав сӑмахӗ

Сив хĕле эп тав тăватăп —

Юр, пас пачĕ вăл мана.

Тав тесе сана калатăп —

Патăн юрату чуна.

Сив хĕле эп тав тăватăп —

Килентерчĕ шур сăнпа.

Тав тесе сана калатăп —

Çунтаран юратупа.

Тăвăла эп тав тăватăп —

Вăл вăйлатрĕ шухăша.

Тав тесе сана калатăп —

Вут хыптартăн ман ăша.

Эп ачашлăхран тăратăп! —

Ман ачашлăхăм чакмасть.

Эп кăнттамлăхран хăратăп —

Вăл касать ман пуçăма.

Çĕнĕ комментари хуш