Ырă ĕне

Мария Волкова | Сăвă | ачасем валли | ĕне | 360


Кĕтӳ ярсан каçхине

Хамăр ĕне сассине

Эп таçтанах паллатăп,

Хапха уçма васкатăп.

Ĕне калать: «Му-ук, му-ук,

Мана илме хирĕç тух!

Хирте шăрăх пулнипе

Ĕçес килет кунĕпе.

Ăш хыпнине ирттерме

Пур-и лĕп шыв — çăнăх шыв?

Уншăн çутă витрене

Сĕт антарăп — су та су!»

Анне суса кĕрсенех

Эп ăшă сĕт ĕçетĕп.

Вара ырă ĕнене

Эп çитерме вĕçетĕп.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем