«Пĕчĕк пӳрт авалхи йывăçсем хыçĕнче…»

Лидия Ковалюк | Сăвă | 595


Пĕчĕк пӳрт авалхи йывăçсем хыçĕнче,

Çав пӳртрен илтĕнеççĕ ачаш сасăсем.

Пулнă йывăр çулсем, сав синкер çулсенче

Тарăн вар тĕпĕнче-мĕн пытаннă çынсем.

 

Ман умра чăнкă çыр, çăмăл мар çĕкленме.

Чăмăртатăп алла, хытарап чĕрене.

Çитеретĕп хаюлăх сире пĕлтерме:

Иртнĕ кунăн кĕвви çавăнтан илтĕнет.

 

Асăрхаççĕ куçсем умра ик мĕлкене —

Чаккапа Тайпин шухăшлă сăнĕсене.

Йывăçсем хушшинчен ак тухаççĕ вĕсем,

Мана курчĕç — пуçларĕç чупма шикленсе.

 

Кăшкăратăп, чĕнетĕп ан тарăр тесе,

Вĕсене хăтарма эп шыратăп тĕрев.

Итлемерĕç мана, пач çухалчĕç вĕсем,

Унтанпа канăç çуккă ман чун-чĕрере.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем