Пăравус

Денис Гордеев | Сăвă | ачасем валли | 508


Пукан сине пукан —

Ку ĕнтĕ пăравус.

Петюк — руль тытакан.

Асту, пуçна ан ус!

 

Хаваслă машинист

Пăхать инçе-инçе.

Ванюш, мескершĕн эс

Йĕретĕн айккинче?

 

Йĕме сăлтав сук мар.

Руль тивĕçмест ăна.

Калать вăл Петюка:

— Вылясшăн ху кăна...

 

Ванюш халь руль тытать.

Асту, пуçна ан ус!

Епле ав ыткăнать

Хăватлă пăравус.

 

— Ванюш, çитет-тĕр. Чар!

Часрах ан, эп ларам. —

Ванюш анасшăн мар,

Петюк тĕртсе ярать.

 

Хӳхлеççĕ иккĕн тан.

Çимун пичче кулать:

— Татах тӳнтер пукан

Ик пăравус пулать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: