Санпа тăсасчĕ ман кун-çулăма

Лидия Ковалюк | Сăвă | савни | 667


Çӳл тӳпере вылять-ха çăлтăр туйĕ,

Хаваслăх парнелет ман чĕрене.

Анне пĕçернĕ çăкăр евĕр уйăх

Хăй çутине сапать тек çĕр çине.

 

Эп тутлă шухăша путса тăратăп,

Каç çеç пăшăлтатать халь манпала.

Хуллен-хуллен вăл кайнине куратăп,

Ĕçне вăл турĕ — ун ăсанмалла.

 

Кашларĕ ялăм çумĕнчи вăрманăм,

Çил ачисем чуптарчĕç выляса.

Анчах, сисеп, чĕрем ман ыйхăланнă,

Çапла, канса илес киле кайса.

 

Эп пурпĕрех кашни сасса тăнлатăп:

Илтетĕп çырмари шыв сассине.

Хуллен ухлатрĕ ӳхĕ. Ак куратăп:

Çут хурт вĕлтлетрĕ курăк хушшине.

 

Хама асамлă керменри пек туйрăм.

Тавралăха чунтан сăнанă май.

Савни, пулас килмест санран ман уйрăм,

Санпах тăсасчĕ хам кун-çулăма.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем