Виç сăмах

Салхуллă хĕр тĕпелĕ,

Çурта хуллен çунать.

Пуш-пушă ун сĕтелĕ:

Шур хут татки кăна.

Тумлам-тумлам куççулĕ

Юхать шур хут çине.

Ытла та тунсăх пулĕ

Савнийĕ çук чухне!

Унта çырса вăл хунă

Мĕн пурĕ виç сăмах:

«Санах саватăп, тусăм!»

Асамлă виç сăмах!

Салхуллă хĕр куççулĕ

Тумлать шур хут çине.

— Инçе савнийĕн çулĕ

Çитмешкĕн ун патне!

Çурта çунса кĕç пĕтĕ,

Хĕр çутĕ çĕннине.

Епле пулсан та кĕтĕ

Юратнă савнине!

Çĕнĕ комментари хуш