Манаймăп

Василий Шихранов | Сăвă | 633


Нихăçан та сана эп манаймăп,

Сан пекки нихăçан та тупаймăп.

Чунăмра пысăк тунсăх пулсан та

Сан патна нихăçан таврăнаймăп.

 

Сывлăм тăрăх санпа эп утаймăп,

Кашни ир шурăмпуç тĕл пулаймăп.

Тем пекех курас килчĕ пулсан та

Сан патна çĕнĕ çул эп хываймăп.

 

Юратун çунса кайрĕ кĕперĕ:

Уйрăлу пит нумай-çке кĕтмерĕ!

Пĕр-пĕрне сăмах панă пулсан та

Çын сăмахĕ пире шеллемерĕ.

 

Чунсене хытă чул-çке пусарчĕ,

Çичĕ ют калаçни йĕр хăварчĕ.

Куççульпех халь ларса макăрсан та

Юратун тек тивеймĕ кăвайчĕ.

 

Нихăçан та сана эп манаймăп,

Сан пекки нихăçан та тупаймăп.

Чунăмра пысăк тунсăх пулсан та

Сан патна нихăçан таврăнаймăп.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: