«Куçунта пăтранса тăракан авăрна…»

Мальвина Петрова | Сăвă | 354


Куçунта пăтранса тăракан авăрна

Куллăма чĕпĕтсе ывăтатăп пĕр катăк:

Çăтса ярĕ часрах — пытарса хăварма —

Киленсе йăпанмалăх ыран, паян мар-тăк.

 

Тĕпрететĕп тата виç-тăватă сăмах

Курнăçман вăхăтра сулăмна1 упрамалăх...

Тĕнче тăрăх касса йăлăхсассăн хăвах

Умăмра чарăнса ыйтăн чĕптĕм хавхалăх2.

 
1 сулăм – хăйне-хăй хускални
2 хавхалăх — хавхалану

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: