Юраймарăм

Атте чĕнчĕ хăйне пулăшма,

Хăйпе пĕрле пĕрене йăтма.

Пĕрене пуçне эп йăтаймарăм,

Юраймарăм тăван аттене.

Юраймарăм тăван аттене,

Ăçтан юрас çич ют ашшĕне?

Анне хушрĕ кукăль пĕçерме,

Тутлăрах ту терĕ кукăльне.

Кукăльне эп тутлă тăваймарăм,

Юраймарăм тăван аннене.

Юраймарăм тăван аннене,

Ăçтан юрас çич ют амăшне?

Йăмăк ыйтрĕ тутăр тĕрлеме,

Хитререх ту терĕ тĕррине.

Тĕррине хитре эп тăваймарăм,

Юраймарăм тăван йăмăка.

Юраймарăм тăван йăмăка,

Ăçтан юрас çич ют йăмăкне?

Тăван чĕнчĕ хăнана пыма,

Тус-тăванпа пĕрле савăнма.

Тăван патне эпĕ каяймарăм,

Юраймарăм хам тăванăма.

Юраймарăм хам тăванăма,

Ăçтан юрас çич ют тăванне?

Çĕнĕ комментари хуш