Электронлă вулавăш

Эп хамăн

сăрт çинче ларап,

унтан пурнăç

çине пăхап.

Пĕрремĕш хут

кăна çырмастăп –

халь никама та

пуç таймастăп.

 

Ку вăл –

мăн кăмăлтан килмест,

кунта урăх

сăлтавсем пур.

Пуç тайнишĕн

никам вилмест,

анчах вĕлермелли

те пур.

 

Пĕр-икĕ хут

çемçе пулатăн –

нумай-нумай

нуша куратăн.

Ĕнсе çине те

ларттаран,

ухă пек

авăнса тăран.

 

Вăйсăр çынна

хисеплемеççĕ,

кашни самантра

хĕсеççĕ.

Çапла вара

пĕчĕккĕнех –

çисе яраç

пĕтиченех.

 

Вăйлисене те

çăмăл мар –

вĕсен вĕт

кашни кун пасар.

Ку таранчен

пулнă пуян –

пĕтрĕ ун

пурнăçĕ паян!

 

Халь ун пекки

питĕ нумай –

пуянланас

текен самай.

Пурнăçĕн çулĕ

тӳрĕ мар,

унта тата

вĕри кăвар.

 

P.S. Манăн сăлтавĕ

халь пĕрре –

паян кĕместĕп

эп чĕрре.

Мана нумай та

кирлĕ мар –

ялан пур

çăкăрпа тăвар.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн