«Пуç тавра сĕрлесе çӳрекен Шухăша…»

Пуç тавра сĕрлесе çӳрекен Шухăша

Çĕрĕпе çыврайми хăваларăм хамран...

Пуçăмра шăршланса выртакан кăнăша¹

Кăларса ывăтман иккенне çак таран

Чухласах тасатмасăр тăратăп ăша:

Йăлтăркка ĕмĕтсен катăкне упраса

Чи ачаш туйăмпа сăтăрса тăнăран —

Кастарса суранлатнă пулсан та ăса —

Кăларса ывăтмасăр упратăп тарам²,

Унпалах никама кирлĕ мар намăса³.

Эрлĕкпе пӳрленсе хавшакан кăмăла

Шухăшран йăхланса⁴ амаланнă Сăмах

Сăхнăçем шыçăнса хут сапать тавралла...

Кăларса ывăтатăп! çитет! паянах!

Урăхла пурăнма пур-ха тепĕр хайла⁵.

¹ кăнăш – çӳп-çап
² тарам – сая кайни
³ намăс — совесть
⁴ йăхлан — ĕрче
⁵ хайла — ăсталăх

Çĕнĕ комментари хуш