«Шухăшсен çивĕтне сапаларăм…»

Шухăшсен çивĕтне сапаларăм —

Çĕнĕрен — ăсăмпа турама...

Те йăла хăтăлми ку, те парăм —

Чараймарăм паян та хама:

Ыйтусен кăтрине ярăм-ярăм

Якатма авăрларăм хурав.

Йăнăшсен çилхинче хăвармарăм

Ӳкĕнсе макăрмалăх сăлтав:

Эрлĕкпе кӳлешӳ сайраланчĕç;

Кăвакарнă ун-кун савнăçа

Канăçпа киленӳ паракан ĕç

Сăрласан тĕс кĕрет пурнăçа...

Çакăнпа çивĕте пĕтĕретĕп

Пăтранмасăр кĕме ырана.

Тепĕр хут евитлетĕп кĕретĕн:

Шăпаран иртеймест Самана.

Çĕнĕ комментари хуш