Телей
Телей вăл
шывпа пĕрех –
пире вăл
кашни кун кирлĕ.
Ăна кĕтет
манăн чĕре –
унсăрăн
шăмшак та чирлĕ.
Вăл ытлашши те
кирлĕ мар,
анчах та
пултăрчĕ ялан.
Ытла хĕрӳллĕ мар
кăвар
туйăнтăр
чĕрере паян.
Ĕçри савăнăç –
телей!
Сана курни –
вăл та телей!
Çавăн пек
пĕчĕк телейсем –
чуна çĕклеççĕ те
вĕсем.
Пысăк телей вăл
пушар пек –
çунтарма та
пултарать.
Нуша та вара,
телей пек –
çавăн пекех
çунтарать.
Вĕсем чăнах
пĕр тăванах пуль –
туйсан – чĕре
пĕр пек сикет.
Кашни çынна
пырса кураç пуль –
пурин патне
черет çитет.
Иккĕшĕ те
килеç-каяççĕ,
ытлашши...
хисеп тумаççĕ.
Ăçта пулнине
палăртса,
каяççĕ
вĕçсе-тухса.
Нушан вара
вăхăчĕ пур –
ытла ларма та
пултарать.
«Эп кунта чух
нуша кур!
Телей килет –
савăнтарать!»
Пирĕн, чăвашăн,
чăтмалла –
нуша вăл,
пирĕн çемьерен.
Вара пĕрлех
пурăнмалла;
Ирĕк килет вăл
телейрен!
Пĕрмай телей
пулма пултармĕ,
вăл пур чухне
нуша каять.
Телейĕ те
нумай лармĕ –
чăваш пĕрех те
пуç таять.
Шухăшсем
Повысьте эффективность своего производс...
Is low website traffic holding you back?...
Struggling to get the right visitors to ...
Struggling to get targeted leads to your...
Лазерный уровень легко помещается в су...
Повысьте эффективность своего производс...
Лазерный уровень легко помещается в су...
Здесь вы сможете найти поставщиков удоб...
Цикори çинчен ытларах пĕлесшĕннччĕ ...
Замечательное поэтическое творение...