«Такам хыçра вартатчĕ палăк…»

Такам хыçра вартатчĕ палăк:

Кевти¹ чиперччĕ... ячĕ — ман?

Чĕнмесĕр, шăппăн хупрăм алăк...

— Вилсе-шим эп...?

— Вилсе.

— Хăçан?

— Ик çул иртет. Хамах пытартăм:

Никам пĕлмерĕ ăçтине.

— Вăрман хăлхаллă, уй курса-тăр?

— Шырарĕç, тухрĕç йĕр çине...

Тăпру çинче сиксех ташларĕç,

Сарса янратрĕç кĕреке.

Кашни — асра: часах лăпланĕç,

Яту çĕкленĕ ирĕке.

Хăвна чарма... пĕр вăй çеç — вилĕм,

Чарать те — вăхăтлăх кăна.

Пин хут кайса пин хут эс килĕн —

Хальччен никам витмен чăна.

¹ кевте – ӳт-пӳ

Çĕнĕ комментари хуш