Ан шутла

Анатолий Васильев | Сăвă | 645


Кунта пурăннă чухне

ан шутла

кунсен шутне.

Сан шăпу

санран килмест,

никам та туртса илмест.

 

Вилĕме кĕтмелле мар,

вăл куна

кĕтсе ан лар.

«Ах, вилеп» –

тесе ларсан –

вара пурнăç

пĕтрĕ сан.

 

Пурнăçу йывăр

пулсан та,

вăйсем пĕтнине

туйсан та,

тем пулсан та –

ан хăра,

тухма

алăка шыра!

 

Алăкĕ яланах пур,

ăна шыракан –

маттур!

Çур ĕмĕр

пулĕ пĕтет –

алăк шыраса иртет.

 

Ыйту хыççăн

ыйтусем,

пурнăçра

нумай вĕсем.

Вĕсене пурнăçлама,

пĕлес пулать

шырама.

 

Çĕр çирĕм çул

Турă парать –

пурăнмашкăн

кам чарать;

Апла ху тăрăшмасан,

мĕнле пурăнмалла сан;

 

Р.S. Кунсене те ан шутла,

ыйтусене пурнăçла.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: