Усал саспа çил шăхрать...

Каринкке Кавĕрли | Сăвă | 1905 | революциччен çырнисем | 328


Усал саспа çил шăхрать,

Йывăçсене авкалать...

Ăна кура чĕре те

Лăпкă выртмас, хускалать.

Тем чул ырă ĕмĕт те

Ĕмĕт хальлĕн çухалать...

 

Чакнă уйăх час тухмасть,

Тĕттĕм çĕре çутатмасть.

Тулта уйăх хураран

Пуçри шухăш та хура...

Ӳкет перо алăран...

Кĕл тăвам-ха пĕр Турра:

Чĕре пĕртик лăпланми,

Пуçри шухăш çуталми?..

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: