Чăвашсен çăлтăр ушкăнĕ

Георгий Ромб | Сăвă | 2 228


Тĕнче тавра янраç халь шавлă

Пин-пин чăваш сăмахĕсем.

«Тав», «сав», «салам» — сасси янташăн,

«Тав», «сав», «шолом», «çăл» — тет еврей.

 

«Ӳнер», «хисеп», «сăра», «пар», «супăнь» —

Çак сăмахсем перс чĕлхинчен.

«Иртыш-шарлав» — иртет шыв (юхăм) —

Ăнлав-сăмах китаецсен.

 

Каçхи пике — Каспи — пур тинĕс.

Казбек — пит тĕттĕм ту. Каç пек.

Пур шыв Самар. Ӳсет хулийĕ.

Саратов — Сарă ту — чăн пек.

 

Ют çĕрсенче чăваш ят панă

Япалине ĕмĕрлĕхе.

Çав ятсене ялан чыслаççĕ,

Усă курса, тĕп халăхсем.

 

Ӳкерчĕкле çыру чăвашăн

Çухалнă темшĕн пурнăçра.

Ӳкерчĕксем туса çыраççĕ

Паян та кӳршĕ Китайра.

 

Букварь сăпки чăвашăн — Чĕмпĕр.

Çырулăха чĕртме кунта

Çуралнă Яковлевăн ĕмĕт,

Чăваш шкулне тертпе уçсан.

 

Нумай ача килсе вĕреннĕ

Пурнăçлама çак ăслăха.

Пуçарăва пурте ĕненнĕ

(Сарса яма çырулăха).

 

Патша тарçи Илья Ульянов

Пĕлӳ сарать чăваш енче

Шутланă халь — тăват çĕр аллă

Шкул лартнă, уçнă ялсенче.

 

Университет мухтавлă, чаплă,

Çиçсе ларать Шупашкарта.

Çамрăксене унта пуçтарнă

Алла илме ăслăлăха.

 

Халь Чĕмпĕртен кунта куçарнă

Ăслăлăхсен тĕпчев ĕçне.

Яковлева чул палăк лартнă

Кермен çумне — малти енне.

 

Ăсчахĕсем курма хăтланнă

Çĕр капашне ăс-хакăлпа.

Нумай хутчен виçме пуçланă

Тĕнче тавра хастарлăхпа.

 

Хастаррисен пурах-ха шучĕ,

Халь уйрăмах палăртмалла:

Фалеспа Пифагор ăс хунă,

Ку тĕлĕшпе тав Ньютона.

 

Çав енĕпех Бессель ĕçленĕ,

Хейфорд та тивĕç хисепе.

Изотов ăслăха çĕклерĕ

Вĕçне çитерчĕ виçеве.

 

Изотова пурте пĕлеççĕ,

Вĕсем туссем Хусанкайпа.

Малтан вăл Чĕмпĕрте вĕреннĕ.

Чăваш шкулне унта уçсан.

 

Наукăри Корнилов доктор

Пĕлӳ туяннă Чĕмпĕрте.

Мухтав, Васильев — ват профессор,

Ăста вăрманçă çĕн çĕрте.

 

Шупашкарта пĕлӳ пуçланчĕ

Сироткинран, Егоровран.

Кĕнекесем нумай кăларчĕç

Пĕлӳ сарма — тавах Турра!

 

Йăхташ Никольский никĕслерĕ

Чăваш валли «Хыпар» хаçат.

Университетра ĕçлерĕ —

Профессор. Паллă Хусанта.

 

Çак хаçатра пичетленеççĕ

Хастарлă Çеçпĕл сăввисем.

Вăл Теччĕре ун чух вĕреннĕ

Учительсен тĕпчев ĕçне.

 

Никольский пек чунтан тишкерчĕç

Халь çамрăксем ăслăлăха.

Доктор таран вара çĕкленчĕç,

Андреев та, Михайлов та.

 

Нумай чĕлхе çине куçарнă

Халь чăвашсен сăввисене.

Хусан вулать Джалилъ тăлмачăн

Иванов çырнă «Нарспине».

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: