Вĕçеç кайăксем паррăн-паррăн,
Кĕрлет çутçанталăк умра.
Утатăп санпа юнашаррăн,
Туятăп — тĕреклĕх çумра.
Пурнан пурнăçа шĕкĕлчетĕп —
Хури нумайрах е шурри?
Сăнра — пирĕн пурнăç пичечĕ,
Телей — пирĕн пĕрлĕх пурри.
Пулнах пурнăçра ăнланманлăх
(Çуратнă пире ик анне),
Ăс панă Турри каçармалăх,
Тĕреклĕ ачамăр — парне.
Вĕçеç кайăксем паррăн-паррăн,
Кĕтрет çутçанталăк умра.
Пуласчĕ ялан юнашаррăн, —
Телей хуçалантăр чунра.