Ĕмĕтленĕр, туссем, ĕмĕтленĕр,
Çутă шанчăкпалан çирĕпленĕр!
Тăвалла пурнăç çулĕ пулсан та
Малаллах талпăнма ан ӳркенĕр!
Ан çухатăр, туссем, ан çухатăр
Çынлăха, çул çинче ан хăварăр!
Сăрт çине маларах хăпарсан та
Юлнине ал памашкăн ан манăр!
Ан вăтанăр туссем, ан вăтанăр,
Ырă ĕç тунинчен ан вăтанăр!
Яри кун ĕçлесе ывăнсан та
Кашни ир ĕмĕтпе çеç вăранăр!
Çирĕп пулăр туссем, ан çухалăр,
Пĕр-пĕрне тем пулсан та каçарăр!
Тус-юлташ ăнсăртран йăнăшсан та
Хăвăртан васкасах ан хăвалăр!
Ĕмĕтленĕр, туссем, ĕмĕтленĕр,
Турă панă пилпе çирĕпленĕр!
Çирĕмре, аллăра, çитмĕлре те
Çут тĕнче ыррипе-çке киленĕр!