Тавтапуç. Мана халăх такмакĕсем кирлĕ, автор такмакĕсем мар. Автор такмакне чун валли мар, рифма валли çеç çырнă пек туйăнать.

Савни розовăй кĕпипе
Тур лашине шăварать.
Тăрахап та каяп тесе
Ялан ăша çунтарать.

Ташлать ĕнтĕ,ташлать ĕнтĕ,
Пĕвĕ хумханать ĕнтĕ.
Ташшине пăхса тăрса
Чунăм савăнать ĕнтĕ.

Ташлани-юрлани
Хĕрупраçа ним те мар,
Арăмсене уйăрттарса
урçапа çÿрени мар.

Аван, аван. Татах çырса парăр.

"Чăваш такмакĕсем" сайт страницисене тултарса пĕтертĕм. Халĕ, тăвансем, сирĕнтен çавнашкал материалсем кĕтетĕп.

Эх чух, яш чух
çичĕ пăт та çурă чух
Халĕ ĕнтĕ ватăлтăмăр
Икĕ пăт та çурă çеç.

Хайдар такмакĕ аван - сайта http://takmaksem.ucoz.ru/load лартрăм. Тăвансемĕр, Çĕнĕ çул такмакĕсем хушăр!

Хоппа,триста,урăх шутламас та
Хĕл мучи конфет памасан урăх ташламас та

Маттур, Наташа, урăх такмак çук-им? Сан такмакна кунта лартрăм: http://takmaksem.ucoz.ru/load

Елка,елка, питĕ капăр,
симĕс-симĕс йĕпписем,
пĕр канфетшăн савăнатпăр,
эпир-ухмах ачасем.

Манăн атте пит ăста
Хапха юпи сăрлама,
Эп аттерен те ăста
Стакан тĕпне çулама.

Шестьсот,восемьсот,
Эпир хамăр высший сорт,
Такăнмасăр ÿкместпĕр
Ватăлмасăр вилместпĕр.

Савни килет салтакран
ик ааллинче чăматан,
Хирĕç чупма тытăнтăм,
Майри килет хыçалтан.

савни сарă та пулать,
Савни хура та пулать.
Сарă савни вĕçкĕн пулать,
пире хури те юрать.

Эс те кайнă мунчана,
эп те кайнă мунчане,
Ман савнипе эс çÿренĕ
Халь пулатăн пуçана.

Авă килет мелке пуç,
мотоцикл илнĕ уж
Мотоцикл çине ларса
Паллами те пулнă уж.

Трактор суха сухалать,
Суха пуçне пăркалать.
Манăн савнин çĕнĕ хĕрĕ
Кутне-пуçне пăркалать.

Тара-тара, тара-тара
Аран тарса хăтăлтăм,
Шыв ĕçме кĕретĕп тесе
Улталаса хăвартăм.