Ленин площадĕнче пысăк елка çумĕнче вырăсла кăна çĕнĕ çулпа саламланине курсан пĕрре чун ыратрĕ тепре тарăхрăм.Тепĕр куннех çак кирнвсĕрлĕхе илсе пăрахнине курсан питĕ савăнтăм.Киремете тав турăм,ăна пуççапса ыйтнăччĕ чăвашсене кÿрентерекенсене тытма.Кайран кăна пĕлтĕм.Хупара пур икĕ тĕлĕнмелле маттур Арсем:Пил Тымарланпа Илле Иванов.Вĕсем çавăнпек вырăсла кăна çырса саккуна киревсĕррĕн пăснинчен пирĕн пек иртсе каймаççĕ:ÿкертсе илеççĕ те тÿрех суда параççĕ. Тымарлан паллă юрист,процессене тăван чĕлхепе кăна ирттерсе тÿресене халтан янă ĕнтĕ вăл.Кĕскен каласан,Киремет пулăшнă паллах,анчах хула чиновникĕсем Тымарнан çине тăрса чăваш чĕлхине хÿтĕленине кура йăнăша тÿрлетнĕ.Вĕренĕр конгрессем мĕнле ĕçлемеллине.

Чăваш чĕлхи ăçта?..Тĕлĕнетĕр Эсир,паян çуралнă пек.Чăваш чĕлхи Сирĕнте те, Пирĕнте те - хамăр алăра тата ваттисенче.Шел пулин те, Г.Н.Волков академик калашле(йывăр тăпри çăмăл пултăр), чăн-чăн ватăсем пирĕн хушăра сахалланса пырвççĕ.Вĕсем те пулин мăнукĕсенчен юласшăн мар, вырăслах "перкелешеççĕ" тата чăваш чĕлхине вĕрентекенсене чăвашла тарăн вĕрентместĕр, килте ачасем вырăсла калаçаççĕ тесе айăплаççĕ.Тĕрлĕ чĕлхеллĕ(вырăс) рпрограммипе вĕрентекен шкулсенче вĕренÿ çулĕнче 1 кл-64-65,2-9 классем-102 сехетшер шкулта! чăвашла тĕрĕс,илемлĕ,çыхăнуллă калаçма вĕренессишĕн тăрăшаççĕ.Чăваш чĕлхи кабинетĕнчен тухса кайсанах "вырăса" куçаççĕ.Паллах,шкулти вĕрентекене çакă питĕ кÿрентерет.Чăвашлăх аталантăр тесе шкулта çеç тăрăшни усă памасть.Чăн малтан аттепе аннен "папа","мама","баба","деда"тесе вĕрентиччен "атте-анне" сăмахсене вĕрентмелле.Мĕншĕн тесен аттепе анне-çке пире пĕрремĕш сăмах калама, пĕрремĕш тĕрĕс утăм тума хăнăхтараççĕ.Ача сачĕпе шкулсенче вăй хуракансем вара çамрăк ăрăва тарăн пĕлÿ пама, ăс-хакăла аталантарма вăйне-халне шеллемесĕр ĕçлеççĕ.Çавăнпа та çемье те вĕрентекенсен
пирвайхи пулăшуçисем пулмалла.
"Чăвашла ан манăр, чăвашсем!
Чăвашлах калаçчăр ачасем.",-тенĕ А.Хум поэт.Эппин,çапла пултăрччĕ!..

Ман сăмах билборд чĕлхи пирки пулса. Чăваш чĕлхи унта пачах курăнманни пирки.
Чăваш чĕлхи хамăнра пулнине эп питĕ лайăх пĕлетĕп :) Анчах та эп хам пур çĕре те çитейместĕп-çке. Хула администрацине кĕрсе социаллă реклама вырнаçтарнă чухне вĕсен вырăнне чăвашла çыраймастăп.

Хула администрацине тата ытти нумай чиновниксем патне кĕмелле конгрессен,анчах вĕсем саламлă сăмахсем каланă çĕре васкаççĕ.Кайран вара унта банкет.