Çук. Математикăпа вырăс чĕлхине ЕГЭ майĕпех памалла пулать. Ыттисене вара хăвăр шкултах юрать. Анчах та 9мĕш хыççăн техникума каяс тетĕн пулсассăн кирлĕ предметсене ЕГЭ майĕпе парсассăн меллĕрех.

Елĕкхи пек сочинени е изложени те çырмаççĕ- и вара?

Кам хушнипе пăрахăçланă? Çакна пĕлес килет. 11-мĕшсене кĕртсе панă пирки мар-и? Пĕр енчен, 9-мĕшсенне çăмăллатни лайăх, вырăс чĕлхипе те, математикипе те гиа ирттересине пăрахăçламалла. Хам вĕрентекен пулнипе питĕ аван пĕлетĕп экзаменсене мĕнле тыттарнине.

Вунпĕрмĕшсем те чăваш чĕлхине суйласа илсе кăна тытаççĕ вĕт-ха, Акулина. Вĕсем республикипе те пĕр 100 ача пулĕ-и... Халь вара тăххăрмĕшĕнче те çапла пулĕ. Кăна эпир паян ăнланса илейместпĕр-ха, хамăр ĕçе (чăваш чĕлхи вĕрентекенсен ĕçне) çăмăллатнă пек туйăнать.

Тепĕр 10 çултан класунтан тухса тарас килĕ ак, мĕншĕн тесен ачасенчен пĕри те анне чĕлхипе калаçмĕ... Çавăн патне пымалли çăмăл та яка çул ку!

Ку сăмах 9мĕш класс пирки кăна. Чăваш чĕлхи. Сочинени е изложени çырассине шкулта хусамăр йышăнăр.

9-мĕшсем чăваш чĕлхипе гиа тытнинчен килет пулсан ялти ачасем класра чăвашла калаçассипе калаçмасси... Садикрисемех вырăсла калаçса ÿсеççĕ. Кăçал 1 класа килнисем пурте килĕсенче вырăсла калаçаççĕ. Гиа мĕнне пĕлеççĕ-и вĕсем?

Кăçалтан чăваш чĕлхипе экзамен майне шкул хăй йышăнать.

Пирĕн шкул ачисем пурте чăваш чĕлхипе экзамен суйласа илнĕ.

Садике çÿрекен ачасен ашшĕ-амăшĕсем савăнсах ÿкрĕç ĕнтĕ... Тинех чăваш чĕлхи суйласа илмеллисен шутĕнче... Кĕçех вĕренÿ программинчен кăларса пăрахĕç ăна. Вара ĕçĕ те пĕтнĕ чăваш чĕлхипе... Кахал çав эпир. Камран тĕслĕх илетпĕр?