Электронлă вулавăш

Марина Федоровна Карягина Патăрьел районĕнчи Кивĕ Ахпӳрт ялĕнче 1969 çулхи юпа уйăхĕн 16-мĕшĕнче çуралнă. 1992 çулта

Чăваш патшалăх университетĕнчен вĕренсе тухнă. Хальхи вăхăтра, 1992 çултанпа, Чăваш телевиденийĕнче ĕçлет. «Вырсарни ир» кăларăма ертсе пырать, эрнесерен ача-пăча валли «Шевле» передача хатĕрлесе эфира кăларать.

Пĕрремĕш кĕнеки 1995 çулта «Хум пăшăлтатăвĕ» ятпа пичетленсе тухнă. Паянхи куна вăл 10 кĕнеке авторĕ, вăл шутра паллăраххисем: «Тăваткăл тĕлĕксем», «Талай хули», «Чĕрĕлĕх ташши», «Хура тумлă арçын», «Юрăсăр уй», «Çур çĕр варринчи хĕвел».

2009 çулта Çамрăксен театрĕ М. Карягинăн «Шурă тумлă çар» пьесипе спектакль лартнă.

Марина Карягина — Чăваш Республикин Çамрăксен патшалăх, Митта Ваçлейĕ, Ç.Элкер ячĕллĕ премисен лауреачĕ. 1998 çултанпа Раççей писателĕсен союзĕн членĕ.