«Тĕлĕкпе витĕнсе выртакан Тăл-пăва…»

Мальвина Петрова | Сăвă | 531


Тĕлĕкпе витĕнсе выртакан Тăл-пăва1 —

Силлесех — ыйхăран тăратать çĕр хута

Курпунланнă Ыйту — тупăнман Хурава

Шыраса памасан евитлет шур Хута.

 

...Тахçанах çапăнса çӳрекен Ыйтăва

Йышăнать пĕтĕмпех чăтакан шурă Хут;

Чĕнтерет те хушать пăхăнуллă Сăвва:

Кĕр çăка2, хунтăла3, çĕнсе ил тепĕр хут!

 

Тăл-пура пурнакан Чĕрепе Ăс-тăнран —

Сăвăри йĕркесем пуçарсассăн чĕр сут —

Пăвăрланнă Хурав пуç кăтартрĕ аран...

Тек Ыйту силлемест, ун пачах урăх шут...

 
1 тăл-пу — кĕлетеке, ӳт-пӳ
2 çăка кĕр — хӳтлĕх пар
3 хунтăла — хӳтĕле

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: