1907


Паллă мар поэмăн пуçламăшĕ


Çынна ырлăх тăвасшăн

Пĕтĕм вăйпа тăрăшăр!

Хăвăр ырлăх курасшăн

Усал ĕçпе çапăçăр!

Хăвăр ахаль пурăнсан,

Эсир ырлăх тупаймăр;

Ĕçе тума чарăнсан,

Усал айне хупăнăр.

Эсир ĕçсĕр пурăнсан,

Сире çынсем ылханĕç.

Сирте юлнă ачăрсем

Сире пăхса хурланĕç.

 

Вăхăт иртет, сисĕнмест

Кунпа çулсем улшăнни.

Сирĕн ĕçсем курăнмасть, —

Ялан халăх хуйхăрни!

Сире халăх вĕрентме

Нумай укçа салатрĕ.

Сире çынна кăларма

Пĕтĕм вăйпа тăрăшрĕ.

Ухмах! Эсĕ халăха

Мĕскер усă кăтартрăн?

Выçлăх, пысăк хурлăхă

Мĕскер ĕçпе пĕтертĕн?..

 

[1906-1907]

Тайăр Тимкки | Сăвă | 1906 | революциччен çырнисем | 1907 | 549