Аçтахар Плотников: Бичурин музейӗнче пулса куртӑм

Аçтахар Плотников15.11.2010 16:253522 views

Ку музее тахҫанах кӗрсе тухасшӑнччӗ — тем тесен те Шупашкар районӗнчи тӗп музейсенчен пӗри-ҫке. Тепринче, Ишекринче, тахҫанах пулсаччӗ. Кӳкеҫре музей ҫул хӗрринчех вырнаҫнӑ. Юлашки ҫулсенче ӑна самай капӑрлатрӗҫ — аякран курӑннӑран кӗрсе тухас шухӑш яланах вӑйлӑччӗ. Анчах та, ҫуммӑн мӗн чухлӗ иртсе ҫӳремен пулӗ — кӗрсе тухма май тупӑнмарӗ.
Чӳкӗн 8-мӗшӗнче вара хам тӗллеве пурнӑҫларӑмах — ҫак музее кӗрсе унпа паллашрӑмах.
Музей тулашӗнче кӑна мар, шалашӗнче те питӗ хӑтлӑ. Пӳлӗмсене хальхилле илемлетнӗ — патшалӑх пулӑшни куҫа кӗрет (энтузиастсен ӗҫӗ вӑл энтузиастӑнниех ҫав...). Музейҫӗсем те мана тараватлӑн кӗтсе илчӗҫ — хайсен ӗҫӗ пирки каласа пачӗҫ, куравсемпе паллашма тата ӳкерме ирӗк пачӗҫ.
Музейра Бичурин пурнӑҫӗпе паллашнисӗр пуҫне ытти тематика та пур: Шупашкар районӗн кун-ҫулӗ, Апаш улӑп тӑприсем, район ҫутҫанталӑкӗ. Унсӑр пуҫне уйрӑм куравсен пӳлӗмӗ те пур — хальхинче унта шашкӑлла выляса чемпиона тухнӑ Кириллов Леонид Кириллович (Чӑрӑшкасси ҫынни) ҫинчен калакан курав ӗҫлетчӗ.
Эп тунӑ сӑнсемпе кунта паллашма пултаратӑр. Хӑвӑр кайса курсан — чылай усӑллӑрах :).

Музей Шупашкартан инҫе мар. Кӳкеҫе ҫитес тесен вара пӗр йывӑрлӑх та ҫук — маршруткисем пӗрин хыҫҫӑн тепри Шупашкаралла вӗҫтереҫҫӗ. Чарӑнура 5 минут та тӑраймастӑн... (маларах ман Кӳкеҫе тепре ҫитмеллеччӗ — чарӑнӑва ҫитнӗ-ҫитмен 3 маршрутка иртсе кайрӗҫ, пӗри мана лартса кайрӗ). Музейӗ вара ҫул хӗрринчех ларать — тупма йывӑр мар.

Editorial note: The publication of articles does not mean that the editorial board shares the opinion of its authors.

Ad

Аçтахар Плотников: Бичурин музейӗнче пулса куртӑм

Comments

Supported HTML Tags:

Menu

In Other Languages

Banners

Counters