tvn
2012-11-30 21:16
"Иван Яковлевича арăмĕ вырăсла калаçтарнă пулас..."
Арăмĕ мар, йĕри-таврари вырăс тĕнчи. Ас тăватăр-и:"...анчах вăйлă этем те хăй тĕнчине пăхăнать".

...Василий Васильевич Николаева илес пулсан, ун арăмĕ чăваш, Етĕрне таврашĕнченччĕ-няк. Çавăнпа каларăм та "пĕлместĕп" тесе.

Çапла ĕнтĕ, çыннăн çутçанталăк (биологи) ачи пекех, ăс-тăнпа чун-чĕре ачи те пулать. Иккĕшĕ пĕр пулсан аванрах...

Калăр-ха:чечен,тутар е чиган ачи ма папа-мама теместь?Тен çавăнпа вĕсен чĕлхи пĕтместь?Халăхĕ те хăйне питĕ хисеплеть.

Эпĕ чăн чăвашлăхшăн вăйне тата вăхăтне шеллемен Тымарлана пĕлетĕп, кунтах Тимĕрпе Илле Иванова асăнса хăвармалла. Тымарлан кăкăрне çапса çÿреместь,куллен-кун ырă ĕç тума тăрăшать, вăй-хал çитнĕ таран. Çавăн паха енĕпе усă курса пирĕн те "шуйхăшмасăр" кирлĕ ĕçсемпе савăнасчĕ.

Пурис:"...шуйхăшмасăр" кирлĕ ĕçсемпе савăнасчĕ." Вăт ку ытлашши вара!Чăвашăн çăварне хупас текенсем сирĕнсĕр те купипех!

Çăвар хупмасăр 90-мĕш çулсенче кăшкăракансен "ĕçĕсене" курса савăнтăмăр ĕнтĕ эпир. Халĕ пусăрăнсарах ĕçлеме тăрăшсан лайăх пулмалла пек. Хĕрарăмсене те сысна ( ан çилленĕр) çури пек шари кăшкăрни килĕшместь, арçынсен( Сайман шав шутран пулĕ тетĕп) вара мăнаçлăрах пулмалла пек.

Килеççĕ те темле Пуриссем - хамăра мĕнле тытмаллине вĕрентеççĕ....

Эппин тĕрлĕрен шовинист-расист-фашистсем пушали кăшкăрашчăр,алхасчăр; чăвашăн çеç пулă пек шăпăрт çуремелле? Ну хушăран хăйне хĕсĕрлекенсем тĕлĕшпе мухтав юрри юрламалла пуль ĕнтĕ...Сирĕн шухăша çапла çеç ăнланма пулатьЙĕмен ачана чĕчĕ памаççĕ.Ытарлă сăмах.

Паян кăна ГИБДД пуçлăхĕ патĕнче пĕр инспектора мана çул çинче чарсан:"Скажи по русски"тенине сÿтсе яврăмăр.Хут çырсах кайрăм.Конституци кăтартрăм.Ăнланчĕç.Каçару ыйтрĕç.Çавах ÿпкелкшеççĕ:никампа та проблемă çук,сана нумай кирлĕ-и?