Çав 75-мĕш параграфăн текстне сĕтĕрсе килес-ха çакăнта. <<75§. Уйрăм çырмалла:
Сăмах майлашăвĕсене вĕсем мĕнле пĕлтерĕшлĕ пулнине пăхмасăрах, тĕпрен илсен, уйрăм çырмалла: ĕç укçи, ĕç çынни, ĕç халăхĕ; ял хуçалăхĕ, вăрман хуçалăхĕ; хур çăмарти, пит çăмарти; кукша пуç, кăвакал ури, кăвакарчăн куçĕ, чăрăш тăрри, утмăл турат; хĕрлĕ çунат, хĕрлĕ пĕсехе, вĕлтрен тăрри т. ыт. те.>>

ă

Малалли:

<<Асăрхаттарни. Текста тĕрĕс ăнланма чăрмантарман чухне сăмах майлашăвĕсене уйрăм сырмалла. Çапах та çынсен ăс-тăнĕнче чылăй сăмах ушкăнне вĕсен пĕлтерĕшĕпе формине кура пĕр сăмаха пĕрлештерес туртăм пур. Çак туртăмпа килĕшӳллĕ, ку таранччен пĕрле çырма хăнăхнă сăмахсене малашне те çаплах çырма юрать: авăнçи, айсарăм, акапуç, акатуй, акаçи, алăсталăх, алăстаçă, ăлăсти, алĕç, алпалли, алçыру, алылмаш, арçын, арçури, амаçури, атпăри, ăçтиçук, ĕçкунĕ, кĕлту, кĕраки, мăнакка, мĕнпур, пурпĕр, пуçхĕрлĕ, сакай, сăнӳкерчĕк, сăхсăх, сухапуç, çăматă, çĕршыв, çураки, çутĕç, улатакка, хĕрача, хытхура, чĕрçитти, чупту,>>

б

Малалли:

<< шурăмпуç, шурут; тунтикун ... вырсарникун; вунпĕр ... вунтаххăр, сакăрвуннă, тăхăрвуннă, икçĕр ... тăхăрçĕр; икчĕлхелĕх, пĕрпеклен, çулçӳрев, тавракурăм, тĕлпулу т. ыт. те.
Пĕрле çырассине текста тĕрĕс те уçăмлă ăнланăссипе çыхăнтармалла: пĕр кун — пĕркун (хальтерех), пĕр май — пĕрмай (ялан), çур утрав (утравăн çурри) — çурутрав (материк пайĕ); çур çĕр (талăк саманчĕ) — çурçĕр (тавралăх енĕ), арçын ача (ар çын ача çырни ăнланма йывăрлатнă пулĕччĕ) т. ыт. те.>>

Даешь Акасапару палăк! Парăр ăна палăк, тархасшăн!Мухтав Акасапара! Акасапара Мухтав! Мухтавлă виртуала в эльтеперы!

Мартăн 12-мĕшĕнче Гуманитари ăслăлахĕсен институтĕнче "Чăваш орфографийĕ: ĕнер, паян, ыран" ăславпа практика конференцийĕ пулать. http://chuvash.org/cgi-bin/calendar.cgi?a=meropriati#m581

Асăннă Конференцире, ытти ыйтусемпе пĕрле, хайхи 75-мĕш параграф ячĕпе палăк çĕклес ыйтăва хускатма сĕнетĕп. Хăшĕсем калашле, Пичет çурчĕ умне мăн гранит кĕмĕркке илсе килсе пăрахмалла та — ĕçĕ те пĕтнĕ! Кĕмĕркке çине 75 хисепе касса кăларса вырнаçтарма пулать. Тепĕр тесен, скульпторсемпе архитекторсем те хăйсен сăмахне калаччăр.

Акапасар, ара конференцие ҫырӑн та сӗн. //хӑшӗ-пӗри ун ӗҫне такам ҫын тӑвасса кӗтет...

Тĕрĕссипе мана çав Конференцие çитсе килме çăмăлах мар. Тепĕр тесен эп çавнашкал пĕр Пухăва хутшăнса курнă. Каланă эп унта хам шухăша. (Палăк пиркиех мар, анчах 75-мĕш параграф пирки çине-çинех аса илтернĕ).

Шупашкарти конференцине каясси вӑл Австралине каясси мар пуль? Е ҫул укҫине саплаштараканни ҫук? Мӗн Каласси пур пулсан каймаллах тесе шутлатӑп.

Калас пулать, мана унта пыма никам та чĕнмен. Йĕркелÿçĕ-пуçаруçăсен чĕнĕвĕ çук. Тĕрĕс, чĕнессе кĕтсе тăмалла мар. Тытмалла та каймалла!

Ку "Ют Çын" текенскер хăй кайма шутлать-ши унта? Е вăл ыттисене вĕрентсе тăма çеç маçтăр?