Sign in | Sign Up | Signing in will enable you to post comments and send messages to the users.
ЧӑвашлаПо-русскиEsperanto
 +6.3 °C
Как басня, так и жизнь цениться не за длину, но за содержание.(Сенека)
 

Ad

Аçтахар Плотников: Хӑв чӑваш пулнине манса каяс мар тесен...

Аçтахар Плотников23.08.2007 16:124809 views
Ҫакӑн йышши текст ҫырас кӑмӑл ҫуралчӗ. Ку черновик кӑна...

Нумай чӑваш вырӑнтан вырӑна куҫать. Е укҫа ӗҫлесе илме каять, е качча тухать-и — кашнин тӗрлӗрен шӑпа. Урӑх вырӑна лексен вара унта пачах урӑхла культура юхӑмӗ пулнӑран чӑваш пулни мана пуҫлать. Чӑваш пулнине манас мар тесен:

* Тӑвансемпе татӑшах ҫыхӑну тытмалла. Телефонпа шӑнкаравланӑ чухне чӑвашла калаҫмалла.
* Килте чӑваш юррисен пуххине тытса тӑмалла. Хальхи пысӑк технологи вӑхӑтӗнче чӑвашла юрӑсене дисксем ҫинче те сутаҫҫӗ, интертетелте те тупма пулать. Дисксене Шупашкарта кашни ҫӗрте сутаҫҫӗ. Е хӑвӑр Шупашкарта пулнӑ чухне илме ан манса кайӑр, е пӗлӗшсене ярса пама ыйтӑр.
* Чӑвашла хаҫатсене ҫырӑнса илӗр. Енчен те сирӗн яланлӑхи пурӑнмалли вырӑн пур пулсан — чӑвашла тухакан хаҫат-журналсене ҫырса илме ан манӑр. Ҫыруӑнтару хакӗ ытла хаклӑ мар, паянхи тупӑшсемпе 2-3 хаҫат ҫырӑнса илме пулатех. Хаҫат журналсенче вуламалли сахал пулсан та пӗр-пӗр интереслӗ матераила тупаттӑрах.
* Хӑвӑр хулари, е тӑрӑхри чӑвашсен ентешлӗхне шыраса тупӑр. Май пулнӑ таран вӗсен ӗҫне хутшӑнӑр. Май пулмасан ентешлӗх ирттерекен мероприятисене хутшӑнӑр.
* Килти кӗнеке ҫӳлӗкӗсене чӑвашла кӗнекесемпе тултарӑр. Кӗнекесене каллех Шупашкарти нумай кӗнеке лавккисенче сутаҫҫӗ. Кӗнекисене халӗ вулас килмест пулин те каярах тен вулас кӑмӑл ҫуралӗ. Чӑвашла кӗнекесемсӗр пуҫсӑр вырӑслисене те пухма пултаратӑр — халӗ вырӑсла чӑваш историйӗ, тӗрри, тата ҫавӑн пекех чӑвашсен паллӑ ҫыннисем ҫинчен каласа паракан нумай кӗнеке тухать. Енчен те эсир вӗсене вуламастӑр пулсан та ку кӗнекесене хитре хуплашкасемпе кӑлараҫҫӗ — вӗсем сирӗн кӗнеке ҫӳлӗкне хитрелетӗ.
* Интернетпа ӗҫлеме пӗлетӗр пулсан чӑвашла сайтсем ҫине кӗрсе тухма ан манӑр. Май таран унти ӗҫе хутшӑнӑр.
* Хӑвӑр ачӑрсене чӑвашла вӗрентме ан манӑр. Сирӗн хыҫҫӑн чӑвашсем юлччӑр. Вӗсене чӑвашла вӗрентнӗ вӑхӑтра эсир хӑвӑрти чӑваш туйӑмне ҫӗклетӗр.
* Ачӑрсене чӑвашла ятсем парсан питӗ лайӑх пулӗччӗ.
* Хӑвӑр чӑваш пулнине ан манӑр. Енчен те сире кам та пулин урӑх халӑх тесе шутлать пулин — ӑна тӳрлетӗр, хӑвӑр чӑваш пулнине пӗлтерӗр. Чӑваш пулма ан вӑтанӑр.

Епле тума кирлӗ мар:
* Ытти ҫынсене вӑйпа чӑвашла вӗрентме кирлӗ мар.
* Ытти халӑхсем ҫине ҫӳлтен пӑхма кирлӗ мар. Юлташсемпе юлташла пулӑр.

==Каҫмасем (Ссылкӑсем)==
Ҫӳлӗрех асӑннӑ пайсене пурнӑҫлама сире ҫак каҫмасем пулӑшӗҫ:

http://music.chuvash.org - кунта тӗрлӗ енлӗ чӑваш юррисене тупма пултаратӑр.
http://hypar.ru, http://suvar.chuvash.org, http://smi21.ru - ҫак сайтсенче чӑвашла тухакан хаҫатсемпе паллашма пулать
http://chuvash.org/, http://vula.info, http://www.lib.cap.ru - чӑвашла литература ӗҫӗсене вырнаҫтарнӑ сайтсенчен печек списокӗ кӑна.
http://forum.chuvash.org, http://cv.wikipedia.org - ҫак сайтсенче чӑваш чӗлхине пӗлекенсем хутшӑнма, пулашма пултараҫҫӗ.
http://ru.chuvash.org/e/d0a7d183d0b ... d0b8d0bcd0b5d0bdd0b0 - чӑвашла ятсене кунта тупма пулать.
 
Editorial note: The publication of articles does not mean that the editorial board shares the opinion of its authors.
[Comments (1)]

Comments:

тусăмсем пĕлеççĕ // 4104.77.2007
2007.08.24 20:21
тусăмсем пĕлеççĕ
"Хыпара" ярса парас пулать. Питĕ лайăх статья!

Comments

Your Name:
Your Comment:
B T U T Headline1 Headline2 Headline3 # X2 X2 Image http://
WWW:
ĂăĔĕÇçŸÿ
Symbols used: 0 symb. Maximum symbols: 1200 symb.
CLICK HERE to choose from a number of free Chuvash keyboard layout software.
 

Supported HTML Tags:

<i>...</i> <b>...</b> <u>...</u> <s>...</s> <a>...</a> <img> <h1>...</h1> <h2>...</h2> <h3>...</h3> <pre>...</pre> <sub>...</sub> <sup>...</sup> <ul> <ol> <li>

Menu

Orphus

In Other Languages

Banners

Повествование о чувашах



Газета Республика

Counters

 
About us | Statistic
(c) 2005-2010 Chuvash.Org. Questions about the site: p-code.ru