Аçтахар Плотников: «Тӑван Ен» хаҫат самай улшӑннӑ

Аçтахар Плотников15.01.2010 18:334243 views

Паян кӑҫалхи пӗрремӗш кӑларӑмне илтӗм. Тӳрех палласа илме те май ҫук. Чӑн та Шупашкарта тухакан хаҫатсенчен пӗрре те кая мар, хӑш-пӗр енӗсемпе лайӑхрах та! Вӗсен тата сайтне кирлӗ шая ҫитермелле те — вара республикӑри чи чаплӑ хаҫат пулса тӑрӗ. Аттук, «Хыпарӗ», «Хресчен сассийӗ» вӗреннӗ пӗр ним улшӑнмасӑр, пахалӑха ӳстермесӗр ӗҫлеме.
Шел те, леш «кризис» текенни ҫавах вӗсене те пырса тивнӗ — хаҫат малашне эрнере иккӗ мар, пӗрре тухма тытӑнӗ. Пӗрре тухӗ пулин те калӑпӑшне самай ӳстернӗ пулас — 12 страницӑллӑ пулӗ.
Халӗ Шупашкарта чӑвашла тухакан хаҫат иккӗ — «Хыпар» тата «Хресчен сасси». Кунталлах «Сувар» та туртӑнать — пичет ҫурчӗн пӗрремӗш хутӗнчех вӗсен рекламӑллӑ проспекчӗ ҫакӑнса тӑрать. Халӗ ӗнтӗ «Тӑван Ен» те Шупашкара туртӑнать иккен. Тӑватӑ хаҫат пӗр-пӗринпе тупӑшнинчен мӗн пулса тухӗ-ши? Пахалӑхӗ ӳсетех пулӗ. Шанас килет. «Сувар» хаҫат, тӗслӗхрен, ҫак темиҫе ҫул хушшинче самай лайӑхланчӗ. «Тӑван Енӗн» кӑҫалхи пӗрремӗш кӑларӑмӗнче те улшӑнусем сисӗнеҫҫӗ. Халӗ ӗнтӗ «Хыпарпа», «Хресчен сассинчен» улшӑнусем кӗтмелле?
//эпӗ халӗ «Хыпар», «Тӑван Ен» хаҫатсем тата «Тӑван Атӑлпа» «Капкӑн» журналсем ҫырӑнатӑп. «Суварӗпе» те вӗсен сайчӗ урлӑ паллашатӑп. Малтан тата «Ҫамрӑксен хаҫатне» ҫырӑнаттӑм та пахалӑхӗ тивӗҫтерменнине пула ҫырӑнма пӑрахрӑм.
Эсир мӗн ҫырӑнса илетӗр?

Editorial note: The publication of articles does not mean that the editorial board shares the opinion of its authors.

[Comments (1)]

Comments:

Галина Зотова // 3127.83.3392

2010.01.15 21:07

Хаçатсемпе укçа нумай пĕтеретĕп. Библиотекăра вуласа чун канмасть."Халăх шкулĕ, Хыпар, Çамрăксен хаçачĕ, Тантăш,Тетте, район хаçачĕ" -чăвашлисем. "Çамрăксен хаçатне" хăр "Ачапчашăн" çырăнатăп, ачасен хайлавĕсене кун çути кăтартас тесе, пурĕ те 2 ача çеç пичетленме пултарчĕ. Ку çул та пичетленеймесессĕн урăх çырăнмастăп!
Кунсăр пуçне вырăсла кăларăмсем чылай.Мĕн тăвăн, хаçат вулама хăнăхнă ачаран, хаçатсăр пурăнаймастăп.

Ad

Аçтахар Плотников: «Тӑван Ен» хаҫат самай улшӑннӑ

Comments:

Comments

Supported HTML Tags:

Menu

In Other Languages

Banners

Counters