Тĕлпулу

Геннадий Айхи | Сăвă | 1953 | 529


Унпа эп студентсен çуртне вырнаçрăм.

«Черниговран эп», — терĕ вăл мана.

Тычина сывлăхне ыйтса калаçрăм,

Аса илмерĕм Çеçпĕле кăна.

 

Кутамккарахчĕ унăн кĕнеки те:

Пулсаччĕ атте пилĕ вырăнне.

Кунта — тăван халăхăма асилтĕм,

Асилтĕм эпĕ хамăр чĕлхене.

 

Чăваш сасси пулман-ха манăн сасă,

Тин çуралса пырать вăл: халь ăна

Хам çеç илтетĕп-ха... Вара ларас-и

Çак йăпантармăш шухăшпа кăна?..

 

Шырав тени çапла пуçланчĕ пулĕ,

Ху сассуна ӳстересси — кунта:

Йĕри-тавра — юратмалли мĕн чухлĕ,

Курайманни мĕн чухлĕ — хăвăнта!

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем