Электронлă вулавăш

Тĕл пултăм юлташпа –

нумай çул курманни.

Калаçсассăн унпа,

туйăнчĕ ватăлни.

Сăмах сывлăх çинчен,

апат-çимĕç енчен,

ăçта кайса килсе,

мĕнле хакпа илсе

аван пулни çинчен –

тата вуншар ыйту,

пуçсем çаврăниччен.

 

Ниепле те сăмах

Атăл пек юхаймасть.

Пирĕн пуçра чăнах

шухăш шăпланаймасть.

Кашни хăй пурнăçне,

ачисен шăпине,

мăнуксене часах

курни-курманнине,

паян мĕн тунине –

мĕн чухлĕ калаçсан та,

вĕçĕ курăнаймасть.

 

Аванах мар пулсан та –

мĕн кĕçĕтсен – хыçаç.

Анчах мĕнчул хыçсан та,

хыçма чарăнаймаç.

Пĕлнĕ çынна курни,

ăнсăртран тĕл пулни,

аса-илӳсене,

ĕлĕк пулнисене,

унта-кунта курни –

пуç çаврăнса кайсан та,

ăна никам туймасть!

 

 

Ун пек тĕлпулусем

питĕ сахал пулаççĕ.

Халь урăх вăхăтсем,

пĕрне-пĕри манаççĕ.

Тăван çынсем пулсан та,

питех юратмасан та,

тĕл пулса калаçни,

куçран-куçа пăхни,

нумай калаçмасан та –

ун калаçусем

чуна савăнтараççĕ.

 

P.S. Ман ĕмĕтсем шалта,

мĕнли кăна унта!

Турăшăн йывăр мар –

мана тĕлпулу пар!

Ман каялла кайса,

аннене тĕл пулса

кăшт кăна пурăнса

парăмсене парасчĕ.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн