Blog Updates

Экспозици

■ 18.05.2009 21:01 | 4592 views

Етӗрне район хыпарӗсемпе паллашрӑм.Етӗрнери тӗп библиотекӑра Ҫӗр ӗҫченӗсен ҫулталӑкне халалласа "Земля и люди Ядринского края" экспозици уҫнӑ. Пирӗн атте, Чӑваш АССР тата РСФСР тава тивӗҫлӗ агрономӗ Александров Вячеслав Александрович ( 20.05. 1929 - 05.10.2005) пурӑннӑ пулсан майӑн 20-мӗшпе хӑйӗн 80 ҫулхи юбилейне паллӑ тӑватчӗ.
Ӗмӗр тӑршшӗпе Етӗрне районӗнчи "Заветы Ильича" колхозра вӑй хучӗ, чунне парса агономра, колхоз ертӳҫинче тӑрӑшрӗ.
Фойере унӑн сӑнне вырнаҫтарнӑ,библиотекӑна пыракан аттен архивӗпе паллашма пултарать.
Экспозиципе хамӑн та май тупса паллашасчӗ-ха.

More...

[Comments]

Тӑван историе ген шайӗнче хисеплес мар патне ҫитрӗмӗр

■ 16.05.2009 14:15 | 4520 views

cap.ru сайт ҫинче вырнаҫнӑ Муркаш районӗн страници ҫинче Акрам вӑрҫипе ҫыхӑннӑ дата ҫывхарса килни ҫинчен ҫырнӑ. Анчах та кунта "восставшими руководили опытные вояки" тени чуна мӑка ҫӗҫӗпе каснӑ пекех касать. Урӑхла каласан, слово "вояка" - негативно-ироничное. Про положительных героев обычно пишут "воин", "боец". А вояками чаще всего называют недоумка-неуча взявшего оружие.

[Comments]

Смертельно храбрые войска

■ 14.05.2009 19:29 | 4683 views

cap.ru сайт интереслӗ сӑмах ҫаврӑнӑшсем усӑ курать. "Смертельно храбрые войска" тесе мӗн калас тенӗ-ши? Кулӑшла.

[Comments]

Октябрьскинчен Ҫӗрпӗве ҫити

■ 12.05.2009 11:26 | 6833 views

Паян, ҫӑвӑн 11-мӗшӗнче, Октябрьскинчен Ҫӗрпӗве утса тухрӑм. Ҫитме ҫул ҫывӑх мар пулсан та утса тухрӑмах. Халӗ ҫак ҫулҫӳревре курнӑ ӳкерчӗксемпе паллаштарасшӑн.
Октябрьскине эпӗ 7-ре ларса тухрӑм, автобусӗ Кугеевӑна (шел те чӑвашла ячӗсене пӗлместӗп — ятарлӑ кӗнеке ман ал айӗнче ҫук, интернечӗ те ҫук) каяканни пулчӗ — пӗрле ларса тухнӑ ҫынсенчен темле чӑваш сӑмахӗ илтес терӗм пулсан та илтеймерӗм — вырӑсла ҫеҫ пакӑлтатрӗҫ. Пӗр ача чӑвашла калаҫасса шантӑм — асламӑшӗпе пӗрле ларса пыратчӗ, хӑйне вара ялти пек тумлантарнӑ — ҫук, пӗр-пӗринпе вырӑсла ҫеҫ калаҫса пычӗҫ.

More...

[Comments]

«Тутимӗре» кӗртсе пӗтертӗм

■ 04.05.2009 23:52 | 5142 views

Ҫак хайлав ман алла лексен эп ӑна чун-чӗререн юратса пӑрахрӑм! Яков Ухсай маншӑн чӑн-чӑн пултаруллӑ ҫын пек тухса тӑчӗ — вара вӑхӑта сая ярас мар тесе ӑна электронлӑ вулавӑша вырнаҫтарас терӗм. Вулавӑш калӑпӑшӗпе кӑна мар, хӑйӗн пахалӑхӗпе те палӑрса тӑмалла — Яков Ухсайӑн «Тутимӗрӗ» вара ӑна чӑннипех те ӳстерессе шанатӑп.
Ку хайлава кӗртме пулӑшнӑшӑн ман хамӑн йӑмӑка, Еремеева Еленӑна, тата ун мӑшӑрне Володӑна тав сӑмахӗ калас килет. Кӗнеки пӗчӗк мар, унсӑр пуҫне 1975 ҫулта тухнӑ пирки ӑна сканерлама та йывӑр — FineReader текста тӗрӗс палласа илеймест, пичетре тӗл пулакан кӑлтӑксем чӑрмантараҫҫӗ.

More...

[Comments]

о себе

■ 04.05.2009 21:10 | 3737 views

эпӗ чӑваш учителӗ:)

[Comments]

Интереслӗ пӗлтерӳ

■ 04.05.2009 16:47 | 5085 views

Кукеҫ типографинче кӑсӑклӑ пӗлтерӳ асӑрхарӑм. Сисадмина 5 паллӑ!

[Comments]

Муркашра ӑнланмалла мар пулӑмсем

■ 04.05.2009 15:14 | 4535 views

Кӑсӑклӑ япаласем пулса иртеҫҫӗ Мӑн Сӗнтӗр салинче. Ҫак салара пӗр ҫын пӗчӗк предпринимательство ҫулӗ ҫине тӑрасшӑн - автозаправка уҫма шут тытнӑ. Лайӑх япала. Салара заправка тавраш ҫук, машина бакне бензин яма таҫти хӑямата каймалла. Анчах та ҫак заправка экологие пӑсать тесе Сӗнтӗр халӑхне ҫак ҫын пуҫарӑвне хирӗҫ тӑратнӑ. Халӗ пулас предприниматель ҫынсен машинисене бензовозран бензин ярса парать.

Кама вӑл чӑрмантарнӑ? Мӗншӗн Муркашра пӗчӗк бизнеса аталнтарма чараҫҫӗ?
Тепӗр самант.

More...

[Comments (1)]

Республикӑри чи ватӑ больницӑна тӗп тӑваҫҫӗ

■ 02.05.2009 18:25 | 4241 views

Муркаш районӗнчи Мӑн Сӗнтӗр больницине майӗпен тӗп туса пыраҫҫӗ. Кӑҫал ҫак сиплев учрежденийӗ 131 ҫул тултарать. Темиҫе ҫул каялла кӑна ҫак больницӑн 150 койка пулнӑ, паян - 65. Ача тата ача ҫуратмалли уйрӑмсене хупнӑ, хирурги уйрӑмӗ пӗтнӗпе пӗрех. Халӑха тӗп тӑвас тесех шутлаҫҫӗ пулмалла Муркашра.
Мӑн Сӗнтӗр больници Муркаш больницине пӑханса тӑрать. Ҫак Муркаш больницин тӗп врачӗ вара 11 ҫул Патшалӑх Канашӗн депутачӗ пулса ӗҫлекен В. Г. Данилов. В. Г. Данилов Гиппократ тупине маннӑ пулмалла. Ҫак тупан пӗр постулачӗ -"Сиен ан кӳр!" Депутатӑн та халӑх мӗн ыйтнине пурнӑҫламалла.

More...

[Comments (1)]

Мазуркин ӑста патне ҫул

■ 02.05.2009 16:34 | 4245 views

Мазуркин - йывӑҫ ӑсти - Муркаш районӗнчи Шокино ялӗнче пурӑнать. Мӑн Сӗнтӗр салинчен инчех те мар. Ӑста патне ют ҫӗршыв турисчӗсем сахал мар ҫӳреҫҫӗ. Мазуркин ӑстана муркашсем район визитки тесе те чапланаҫҫӗ. Анчах та Мазуркин патне ҫитес тесен ҫул хӗрринче вырнаҫнӑ ҫӳп-ҫап, каяш купи умӗн иртме тивет. Свалкӑри ҫӳп-ҫап эсир пыракан ҫул ҫинче те выртать. Свалка ҫинче, ҫитменнине, выҫӑ йытӑсен эшкерӗ, самӑрӑлса кайнӑ йӗкехӳресем мӑй таран. Свалка СанПина та уямасть. Шокино ялӗнчен, тата артезиан скважинисенчен 300 метртан вырнаҫнӑ.

More...

[Comments]