Blog Updates

паян пӗрремӗш канал валли интервью патӑмӑр

■ 28.06.2008 19:25 | 8077 views

паян пӗрремӗш канал валли интервью патӑмӑр, мӗн пулса тухнине ыран 20 сехетре курма пулӗ...

Эх! Мӗн пулать?!

■ 26.06.2008 22:12 | 7049 views

Пӗлместӗп ӗнтӗ, те лайӑх хыпар, те начар.

http://lenta.ru/news/2008/06/26/domains/ — 2009 ҫулта пӗрремӗш шайри доменсене регистрацилеме ирӗк парӗҫ. Пӗлместӗп ӗнтӗ, те лайӑх ку, те япӑх. Сӑмахран, .chv регистрацилеме май пулӗ :)

Халӗ халӑхӑн ытларах пайӗ тӳрех пӗлет — домен малтан www-па пуҫланать, .ru-па вӗҫленет. Кайран мӗн пулӗ?
.org, .gov, .ru, .cv доменсенчи чикӗсем юрӑхсӑра тухӗҫ-ши? Сӑмахран, .org доменра коммерциллӗ мар организацисене ҫеҫ, .cv доменра — пӗр патшалӑхри сайтсене ҫеҫ регистрацилеҫҫӗ. Малалла мӗн пулать?

Домен питӗ хаклӑ пулни ҫеҫ чарӗ пулас.

More...

[Comments]

«Тантӑш» редакцийӗнче пултӑм

■ 26.06.2008 10:55 | 7067 views

Эпир конкурс пуҫарнӑччӗ, ҫав конкурс положенийӗ нумай пулмасть «Тантӑшра» пичетленнине каларӗҫ те хаҫата шырама тухрӑм. Ун чухне Чӑваш патшалӑх гуманитари институтӗнче пулнӑран чи малтан «Студентсен хули» чарӑнура вырнаҫнӑ «Чӑвашпичет» УАО киоскне кайса пӑхрӑм. Хаҫат пур иккен, анчах та вӑл кун тухнӑскер кӑна. Маларах тухнӑ кӑларӑм ҫук, мана вара шӑп та лӑп вӑл кирлӗччӗ.
Тепӗр кунхине вара «Тантӑш» редакцине ҫул тытрӑм. Ку шӑматкун пулчӗ, анчах та вӑл кун Чӑваш Енре ӗҫлетчӗҫ — тунтикуна ҫапла куҫарнӑччӗ.
Тавах редакцине, хаҫатне тупса пачӗҫ, парнелерӗҫ те.

More...

[Comments (7)]

Республика кунӗ килӗшмерӗ

■ 25.06.2008 16:15 | 6835 views

Кану вӑхӑтне (отпуска) илнӗ чухне Республика Кунӗ лектӗр тесех илтӗм. Анчах та ӗнер Шупашкарта тытӑнса тӑмарӑм — хула, Чӑваш Ен килӗшми пулса тӑчӗҫ. Ӑҫта пӑхан — унта вырӑс чӗлхи кӑна. «Раҫҫей ҫӑлкуҫӗсем» ятлӑ савӑнӑҫлӑн утса тухнине те вӗҫне ҫити ӳкермерӗм. Килӗшмерӗ те каялла кайрӑм. Халӑхӗ те килӗшмерӗ. Бельгинчен килнӗ клоунсем патӗнчен хӑпма пӗлмеҫҫӗ. Вӗсем хыҫҫӑн кӗтӳ пекех пыраҫҫӗ. Лешӗсен вара параппанпа хытӑ сасӑ кӑларнисӗр пуҫне нимӗн те ҫук. Тӑнлӑраххисем вӗсенчен хӑпрӗҫ — «хӑлха ӳҫсе ҫитрӗ вӗсен параппанӗсене итлесе» тесе айӑккинелле уйрӑлса кайрӗҫ.

More...

[Comments (1)]

ЧӐВАШ ЧӖЛХИ: ИРТНИ, ХАЛЬХИ, ПУЛАССИ

■ 24.06.2008 22:49 | 5931 views

Ҫак темӑпа мана универсситтетра Ираида Геннадьевна соччиненй ҫыртарчӗ. Ытти препотаваттелсене те вуласа патӑм терӗ. Ӑҫта та пулин кӑларма юрӑхлӑ шухӑш пур терӗ. Кун пек каланипе питӗ хавхалантӑм:

Тӳрлетмен вариант :( :

Чӑваш халӑхӗ кам пулнӑ?
Нимӗн те пулман, вӑл никам та пулманах тесен те ытлашши пулмӗ. Чӑваш халӑхӗ патшалӑх пурӑнӑҫӗнче ура айӗнчи тӑпра пулнӑ. Вӑл вырӑс культтурне сӗткен паракан тирӗс-навус пулнӑ.
Юман М., "Сарпике", 1924

Сана шанаканӗ, ҫакна ҫыраканӗ
Ҫӗр айӗнче выртӗ тӑлӑххӑн ун чух,
Хӑй ҫийӗнчи ҫӗрӗ ӑна пусса анӗ,
Сан чапна курмашкӑн тӑма пулас ҫук.

More...

[Comments (3)]

Юпа

■ 20.06.2008 14:18 | 6555 views

Ӗнер, кӗҫӗн ҫимӗкре, Калайкасси ялӗнче юпа лартрӗҫ.
"Аксар" студи пуҫлӑхӗ ҫак ялта ҫӗр илнӗ те чаплӑ лару-тӑрура ҫак мероприятие иртерчӗ. Юпана Эткер ӑста каснӑ. Уява чӑваш хастарӗсем хутшӑнчӗҫ. Сӑнӳкерчӗксене ыран atalanu.ucoz.ru ҫине вырнаҫтарӑп.

[Comments (2)]

Иркутская область

■ 16.06.2008 20:39 | 6775 views

05 Августа 2005 - 13:18
Постоянный URL:
http://www.etnosite.ru/news/1/10825.html

Три чувашских национально-культурных центра откроются в нынешнем году в Иркутской области

Национально-культурная автономия чувашей Иркутской области "Юлташ" планирует открыть три чувашских национально- культурных центра в области. Общественные организации начнут работу в октябре нынешнего года в селах Тогна (Заларинский район), Уян (Куйтунский район) и Джогино (Тайшетский район). Об этом сообщил Телеинформу руководитель национально-культурной автономии чувашей Иркутской области "Юлташ" Александр Иванов.

More...

[Comments (3)]

Республикари чи вата шкул?

■ 08.06.2008 21:27 | 6017 views

Ҫак сайт ҫинче </b>истори<b>ссылкӑпа кӗрсен "Республикӑри чи ватӑ шкул" статьяна вулама пулать. Манӑн автора хурлас килмест, ҫапах та пӗлсе тӑма - Хӗрлӗ Чутай районӗнчи Штанашри вӑтам шкул 1842-мӗш ҫулта уҫӑлнӑ

[Comments]

Надежда Осиповӑпа интервью

■ 05.06.2008 14:53 | 6477 views

Надежда Осипова Самар облаҫӗнчи информаци политики тата обществӑпа ҫыхӑну департамӗнтӗнче этнос ыйтӑвӗсемпе консультант пулса ӗҫлет. Паян унпа интервью atalanu.ucoz.ru сайт синче вулама пулать. Ку блога та лартма май пулатчӗ те анчах та сӑнӳкерчӗке мӗнле вырнаҫтармалла. Хушма ыйтусем пама пултаратӑр. Хуравсене хушса пичетлӗпӗр.

[Comments (2)]

Калайкасси шкулӗнче Акатуй

■ 05.06.2008 14:50 | 6383 views

Муркаш районӗнчи Калайкасси шкулӗнче Акатуй иртрӗ. Тинех ҫитӗнекен ӑрӑва халӑх йӑли-йӗркине аса илтерме пуҫларӗҫ. Шел, ку вӑл мероприяти кӑна тесе шутламалла. Шкул ӗҫлесен ҫак ачасем ку мешехене малалла ял тата ҫемье хутлӑхӗнче ӑна тӑсмӗҫ. Ӳкерчӗксем atalanu.ucoz.ru ҫинче

[Comments]