Ҫитес ҫуркунне мода хӑйне евӗр япаласем сӗнет. Вӗсем хитре те, анчах тӗлӗнтермелли те самай.
Модӑпа килӗшӳллӗн тӑхӑнакансем ҫитес ҫулхи ҫуркунне малтан кӗпе тӑхӑнма юрӗ, унтан — лифчик тата бра-топ. Капла тӑхӑнни ҫӳллӗ шайри люкс тесе шухӑшлаҫҫӗ.
Коллекцири бандажа Нобуёси Араки Япони фотографӗн куравӗпе сӑлтавлаҫҫӗ. Вӑл нумаях пулмасть Парижри мода эрнине пырса ҫитнӗ. Арҫын модинче вӑл хӗрарӑмсен модӑри туртӑмне сӗннӗ. Тепӗр майлӑ каласан, арҫын мӑйӗ ҫинче шӑрҫа курсан тӗлӗнмелле мар, вӑл модӑран юлманнине пӗлтерет кӑна.
Велосипедистсем тӑхӑнакан ҫӑт тытакан йӗмсене те ҫитес ҫул тӑхӑнма пуҫлӗҫ. Вӗсене блузкӑпа е спорт тумтирӗпе тӑхӑнӗҫ.
«Санта-Барбара» сериалти евӗр блузкӑсем те таврӑнӗҫ, мӗншӗн тесе ҫитес ҫуркуннепе ҫулла иртнӗ ӗмӗрӗн 80-мӗш ҫулӗсенчи силуэт модӑна кӗрӗ.
Бейсболкӑна платье-халатпа, твидлӑ костюмпа тӑхӑннинчен те ҫуркунне тӗлӗнмелле мар. Ку вӑл каллех — мода. Тепӗр модельерсем тата каҫхи платьесене те бесйболкӑпа тӑхӑнма сӗнеҫҫӗ.
Кристофер Кейн Британи стилисчӗ резина крокса чулпа та, чечекпе та капӑрлатнӑ. Тата тӗлӗнтерекен тепӗр япалана Фиби Файло стилист сӗнет. Вӑл тӗрлӗ тӗслӗ пушмака харӑс тӑхӑнма хушать: пӗр урара пӗр тӗслӗ, тепӗр урара тепӗр тӗсли пулсан ҫын васкаса килтен тухнине пӗлтермӗ, Файло уншӑн фаворит тесе шухӑшламалла.
<i>...</i> <b>...</b> <u>...</u> <s>...</s> <a>...</a> <img> <h1>...</h1> <h2>...</h2> <h3>...</h3> <pre>...</pre> <sub>...</sub> <sup>...</sup> <ul> <ol> <li>
+15.3 °C
