Sign in | Sign Up | Signing in will enable you to post comments and send messages to the users.
 +15.3 °C
Сделать из любовника мужа так же трудно,как из мужа любовника. (Бальзак)
 

Ad

Аçтахар Плотников: Чӑваш халӑх сайчӗн малашлӑхӗ пирки

Аçтахар Плотников04.03.2022 12:562635 views

Хисеплӗ хӑнасем, вулакансем!

Тӗнчери тата Раҫҫейри лару-тӑрӑва пула «Чӑваш халӑх сайчӗ» умӗнче пысӑк йывӑрлӑхсем сиксе тухаҫҫӗ. Унӑн ӗҫӗ тӗпрен илсен хамӑн укҫа ҫинче тытӑнса тӑрать. Ман тупӑшран килет. Шел те, паянхи кун тупӑшсем палӑрмаллах чакрӗҫ. Ҫавна пула журналистсене тӳлемелӗх, сервер тӑкакӗсене саплаштармалӑх укҫа-тенкӗ ҫитмессе пултарать.

Эпӗ никамран та укҫа кӗлмӗҫленсе ыйтман. Тар тӑкса ӗҫлесе илнӗ укҫана кама та пулин пама йывӑррине шкул саккинченех пӗлетӗп. Пӗлместӗп хальхи шкул программинче пур-и, ҫук-и вӑл калав — пӗр ача пирки унта сӑмахччӗ. Хайхи ача ҫӑмӑллӑн укҫа ӗҫлесе илет те аслисем вӑл укҫана кӑвайта пӑрахаҫҫӗ. Ачи кун пирки ним те шарламасть. Тепӗр хутӗнче ача тар тӑкса укҫана ӗҫлесе илет. Аслисем каллех вӑл укҫана кӑвайта пӑрахма тӑраҫҫӗ те ачи вара тӳрех хирӗҫ тӑрать. Ара, тар тӑкса ӗҫлесе илнӗ укҫан хисепӗ пысӑк! Пирӗн халӑх хытӑ тесе эп ҫавна пулах каламастӑп — кашни пуса тар тӑкса ӗҫлесе илнӗрен ӑна ют ҫынна, лешӗ ӑна пархатарлӑ ӗҫе юрасса шантарать пулин те, пама йывӑртарах ҫав. Ҫавӑнпа хамӑн проектсем валли укҫа-тенке хамӑн ӗҫлесе илмелли пирки тахҫантанпах пӗлетӗп.

Шел те манӑн тупӑш халӑхӑн ытлашши юлакан укҫапа ҫыхӑннӑ (мӗнпе ҫыхӑннине каласа тӑмӑп). Тепӗр май каласан, ҫынсен ытлашши укҫа пур пулсан — эпӗ тупӑшсӑр мар. Экономика аван ӗҫлет пулсан ытлашши укҫа халӑхӑн пурах. 2019–2021 ҫулсенче Раҫҫейре экономика кӑшт та пулин ура ҫине тӑчӗ темелле, тупӑш япӑхах маррипе усӑ курса эпир миллион ытла чӑвашла-вырӑсла пуплевӗшсен мӑшӑрӗсене хатӗрлеме пултартӑмӑр. Чӑваш халӑх сайчӗпе Чӑваш чӗлхи лабораторийӗн ӗҫӗ валли уйӑхне 45 пин таран тӑкаклама май пурччӗ (ку укҫана кулленхи тӑкаксем хыҫҫӑн юлнӑ хайхи «ытлашши» укҫа пек хаклама пулать). Пӗтӗм Раҫҫей халӑхӗ (ытларах енӗпе вырӑссемпе украинсем — ман тупӑш ҫӑлкуҫӗсем шӑп вӗсем) «пулӑшнипе» эпир, чӑвашсем, 1 миллион ытла мӑшӑр пухма пултартӑмӑр.

Шел те, укҫасӑр ӗҫлес текенсем пит сахал. Кӑна практика ҫирӗплетет. Калӑпӑр, Гулливер текстне пӗрине юсама патӑм — тӳлевсӗрех туса пама шантарчӗ. Шел те ҫулталӑк ытла иртсе кайрӗ, ӗҫ пӗр шит те малалла куҫмарӗ. Кайран вара ҫавах укҫа тӳлесех текста юсама тиврӗ.

Малашлӑх пирки калама вара хӗнтерех. Ӗҫлемелли-тумалли ӗҫсем пайтах. Калӑпӑр, 1971 ҫулта тухнӑ пысӑк вырӑсла-чӑвашла словаре сканерласа сӑмахсарсен сайтне кӗртесшӗнччӗ. Унта пурӗ 892 страница. Патшалӑх ку ӗҫе ҫавах тумӗ. Чӑваш чӗлхине аталантарасран паянхи тӳре-шара питӗ хӑрать. Вӗсене темле тархасласан та пурнӑҫласшӑн мар. Хамӑр ҫинех шанма тивет. Тӳре-шарашӑн чӑваш чӗлхи мӗн таран хӑвӑртрах пӗтет ҫав таран аванрах пулас. Хӑйсем тахҫанах вырӑс чӗлхи ҫине куҫнӑран пирӗн тӑван чӗлхе вӗсене пӗрре те пӑшӑрхантармасть. Тутӑ ҫын выҫӑ ҫынна ӑнланмасть тенӗшкел ӗнтӗ.

Паянхи пек йывӑр лару-тӑру, паллах, яланлӑхах мар. Хуть те мӗнле хирӗҫӳн те вӗҫӗ пур. Ҫавах та пуш уйӑхӗ вӗҫлениччен лару-тӑру ҫӑмӑлланасса шанма ҫук. Пенси таврашӗ илекенсем, хыснаран шалу илекенсем, тен, йывӑрлӑха сисмесӗрех ирттерӗҫ. Манӑн та паллах, укҫа-тенкӗ енчӗкре тӳрех пушанса юлмасть — малтанхи вӑхӑтра пухса хуни пур-ха. Ҫавах Чӑваш халӑх сайтне тытса тӑма йывӑртарах пулӗ: сервер ахаль ӗҫлемест, журналистсем те, эпӗ вӗсене пысӑках мар укҫа тӳлетӗп пулин те, тӳлевсӗр ӗҫлесшӗнех пулмӗҫ (вӗсен хе хӑйсен ҫемйисене тӑрантармалла).

Хӑшӗ-пӗри, тен, калама та пултарӗ — выҫса вилмӗпӗр, ҫӗрулми ӳстерӗпӗр, ӗне тытӑпӑр, пӗтмӗпӗр. Ку ҫапла. Анчах чуралӑхри халӑх (чухӑнлӑх та чуралӑхах вӑл) нихӑҫан та ирӗкри пек аталанаймӗ. Этем ҫут тӗнчене хӑйӗн хырӑмне тӑрантарма ҫеҫ килмен. Выҫӑ вилесрен ҫеҫ шикленекенсем этемпе выльӑх хушшинчи уйрӑмлӑха пӗрре те курмаҫҫӗ тенӗ пулӑттӑм — выльӑх вӗт-ха апат ҫиет те ҫывӑрать, урӑх ун ним ӗҫӗ те ҫук. Пирӗн те ҫав шая анса лармалла мар ӗнтӗ.

Украинӑна ятарласа асӑнмастӑп (Тимӗр Акташӑн статйи айӗнче хӑшӗ-пӗрисем хирӗҫни те ҫитет). Унти лару-тӑру пире мӗнле витӗм кӳни ҫинчен тӗплӗн ӑнлантарса пама тӑрӑшрӑм.

Чӑваш Турри пире пӑрахмастех тесе ӗненетӗп. Енчен те камӑн та пулин кӑмӑл пур пулсан:

Сбербанк: 4276 7500 2767 1261;

Альфа-банк: 4790 8723 2696 4291;

СБП урлӑ куҫарас текенсем валли: +7(905)027-61-37 (тӗп редактор телефонӗ);

Qiwi: ASTAHAR никнейм;

Ю-мани: 4100 1106 9561 50.

 

Пурне те хисеп туса, «Чӑваш халӑх сайчӗн» тӗп редакторӗ Николай Плотников

 

Хушни

Укҫа пухасси пирки пӗлтернӗ пулсан, кам пулӑшнине те каламалла пуль.

Тата ҫакна каламалла: нарӑс уйӑхӗшӗн пӗтӗмпех тӳленӗ (журналистсене те, серверсемшӗн те). Пуш уйӑхӗ пуҫланнӑ кӑна пулин те, анчах пуҫламӑшӗ аванах мар. Унсӑрӑн ку текста ҫырман пулӑттӑм.

Пулӑшакансем (инициалсене, кам куҫарнине палӑртасран, тӗрлӗрен палӑртнӑ: хушамата мала лартса та, хыҫра палӑртса та):

  1. 4584***5926 — 100 тенкӗ
  2. Б.Б.Ч. — 800 тенкӗ
  3. В.Г.Т. — 1000 тенкӗ
  4. А.Б.В. — 3000 тенкӗ
  5. Г.П.И. — 1000 тенкӗ
  6. Н.М.А. — 3000 тенкӗ
  7. Л.Н.Е. — 1000 тенкӗ
  8. Ю.А.Т. — 1000 тенкӗ
  9. А.А.В. — 3000 тенкӗ
  10. Л.Н.К. — 100 тенкӗ
  11. Т.С.И. — 500 тенкӗ
  12. М.Н.В. — 100 тенкӗ
  13. C.В.А. — 200 тенкӗ
  14. И.В.М. — 100 тенкӗ
  15. Л.П.Н. — 200 тенкӗ
  16. К.Э.Ф. — 100 тенкӗ
  17. К.И.И. — 300 тенкӗ
  18. А.Н.Е. — 2000 тенкӗ
  19. И.А.В. — 500 тенкӗ
  20. А.Г.П. — 200 тенкӗ
  21. Г.В.В. — 200 тенкӗ
  22. А.Н.Г. — 100 тенкӗ
  23. А.А.Я. — 100 тенкӗ
  24. Г.И.И. — 100 тенкӗ
  25. С.С.О. — 200 тенкӗ
  26. Г.Ф.С. — 100 тенкӗ
  27. Э.Н.К. — 200 тенкӗ
  28. С.А.А. — 100 тенкӗ
  29. Г.М.Н. — 200 тенкӗ
  30. Ю.В.К. — 200 тенкӗ
  31. Н.С.М. — 100 тенкӗ
  32. Е.М.М. — 100 тенкӗ
  33. Н.К.К. — 300 тенкӗ
  34. Ш.Л.П. — 200 тенкӗ
  35. Н.А.Е. — 100 тенкӗ
  36. Ц.Т.Л. — 300 тенкӗ
  37. Н.Н.А. — 200 тенкӗ
  38. Т.Н.К. — 500 тенкӗ
  39. К.Л.А. — 200 тенкӗ
  40. О.Н.В. — 300 тенкӗ
  41. В.В.К. — 100 тенкӗ
  42. Е.Л.А. — 100 тенкӗ
  43. В.М.И. — 100 тенкӗ
  44. В.Н.В. — 100 тенкӗ
  45. Т.В.Г. — 100 тенкӗ
  46. С.Г.А. — 300 тенкӗ
  47. С.В.Х. — 50 тенкӗ
  48. Н.Н.А. — 100 тенкӗ
  49. В.С.А. — 100 тенкӗ
  50. В.Л.М. — 300 тенкӗ
  51. О.Н.Г. — 100 тенкӗ
  52. С.М.М. — 100 тенкӗ
  53. О.И.Н. — 250 тенкӗ
  54. П.Н.А. — 100 тенкӗ
  55. Т.А.М. — 100 тенкӗ
  56. И.И.П. — 500 тенкӗ
  57. П.Т.А. — 200 тенкӗ
  58. Г.В.Г. — 100 тенкӗ
  59. В.О.А. — 200 тенкӗ
  60. Е.Г.С. — 100 тенкӗ
  61. Н.В.А. — 300 тенкӗ
  62. А.С.Е. — 1000 тенкӗ
  63. Н.А.Л. — 300 тенкӗ
  64. С.П.Н. — 200 тенкӗ
  65. М.Л.В. — 100 тенкӗ
  66. Л.В.Д. — 100 тенкӗ
  67. Л.Н.А. — 200 тенкӗ
  68. Е.Р.А. — 300 тенкӗ
  69. И.В.А. — 300 тенкӗ
  70. З.М.Д. — 200 тенкӗ
  71. Е.Г.Г. — 300 тенкӗ
  72. +7927**506 — 100 тенкӗ
  73. Н.В.В. — 300 тенкӗ
  74. С.Г.А. — 200 тенкӗ
  75. Ч.С.Г. — 300 тенкӗ
  76. Е.Н.Ч. — 200 тенкӗ
  77. И.Ф.К. — 100 тенкӗ
  78. И.И.Н. — 500 тенкӗ
  79. Н.В.Г. — 100 тенкӗ
  80. Д.В.Т. — 500 тенкӗ
  81. Н.П.С. — 200 тенкӗ
  82. М.Н.И. — 500 тенкӗ
  83. А.Т.А. — 100 тенкӗ
  84. Е.Н.И. — 200 тенкӗ
  85. Н.З.Х. — 200 тенкӗ
  86. А.М.Н. — 500 тенкӗ
  87. Н.Е.В. — 300 тенкӗ
  88. И.М.Е. — 100 тенкӗ
  89. Н.В.К — 100 тенкӗ
  90. В.Г.А. — 300 тенкӗ
  91. В.Г.М. — 500 тенкӗ
  92. Г.Н.В. — 100 тенкӗ
  93. Е.Н.Н. — 100 тенкӗ
  94. А.Н.Г. — 100 тенкӗ
  95. Л.А.Т. — 100 тенкӗ
  96. Ф.И.А. — 200 тенкӗ
  97. М.М.А. — 100 тенкӗ
  98. В.Н.Н. — 300 тенкӗ
  99. М.Е.А. — 1000 тенкӗ
  100. Н.В.В. — 200 тенкӗ
  101. 3.В.В. — 100 тенкӗ
  102. Е.Г.М. — 100 тенкӗ
  103. Е.В.С. — 200 тенкӗ
  104. И.Т.А. — 200 тенкӗ
  105. Г.А.Л. — 100 тенкӗ
  106. Е.В.М. — 50 тенкӗ
  107. И.В.Я. — 100 тенкӗ
  108. И.В.И. — 500 тенкӗ
  109. Л.Н.А. — 200 тенкӗ
  110. Н.М.А. — 200 тенкӗ
  111. Н.К.М. — 100 тенкӗ
  112. З.Н.П. — 100 тенкӗ
  113. Г.Л.Н. — 100 тенкӗ
  114. Н.Ю.А. — 100 тенкӗ
  115. Н.И.Н. — 300 тенкӗ
  116. А.В.М. — 200 тенкӗ
  117. С.Г.Д. — 300 тенкӗ
  118. В.П.Е. — 500 тенкӗ
  119. Н.Н.Я. — 200 тенкӗ
  120. И.П.Ф. — 200 тенкӗ
  121. Л.А.П. — 100 тенкӗ
  122. В.П.П. — 500 тенкӗ
  123. А.Е.Г. — 200 тенкӗ
  124. телефон счечӗ ҫине — 300 тенкӗ
  125. Э.Н.П. — 150 тенкӗ
  126. И.Р.М. — 100 тенкӗ
  127. М.И.А. — 100 тенкӗ
  128. Л.П.М. — 1000 тенкӗ
  129. Т.А.Ш. — 200 тенкӗ
  130. А.Е.Ш. — 300 тенкӗ

2022.03.05. Пулӑшакансем тупӑннӑ май вырӑсла-чӑвашла словарьпе ӗҫлеме пуҫларӑмӑр, тата тепӗр кӗнекене мӑшӑрлама илтӗмӗр. Уйӑх вӗҫӗччен, тен, укҫа-тенкӗ енчен майлашӑнса ҫитӗ тесе ӗненсе ку ӗҫсене пуҫларӑмӑр. Пулӑшакансене пурне те тав! Мӗн куҫарса пани сая каймӗ — йӑлт ӗҫ валли.

2022.03.14. Ӗнерпе паян куҫаракансем йышланнӑран Николай Максимовӑн «Тапӑ» романӑн пӗрремӗш кӗнекене юсама патӑмӑр. Сӑмах май вӑл икӗ кӗнекерен тӑрать. Ун хыҫҫӑнхи «Синкер» романа вара хальхи вӑхӑтра хам юсатӑп (вулама кӑсӑклӑ та). Вӗсене пурне те корпуса кӗртме хатӗрлетпӗр.

2022.03.25. Александр Гринӑн ҫырнисен пуххин 1-мӗш томӗшӗн (Алексей Леонтьев куҫарнӑ) 5100 тенкӗ тӳлерӗмӗр. 2-мӗш томӗпе ӗҫлетпӗр.

 
Editorial note: The publication of articles does not mean that the editorial board shares the opinion of its authors.
Orphus

Banners

Counters

 
About us | Statistic
(c) 2005-2010 Chuvash.Org. Questions about the site: p-code.ru