Sign in | Sign Up | Signing in will enable you to post comments and send messages to the users.
 +1.3 °C
Горе сердцу не любившему смолоду!(И.Тургенев "Дворянское гнездо")
 

Ad

Вячеслав Шорников: Исланди патӗнчи чул сӑрт ҫинчи маяк

Вячеслав Шорников14.08.2023 19:271071 views

Исланди ҫыранӗсенчен инҫе мар вырнаҫнӑ Тридрангар маяк Атлантика океанӗн хумхануллӑ шывӗ ҫийӗнче хӗрӗх метра яхӑн ҫӳллӗшре ларать. Ҫак тӗнче хӗрринчи цивилизацин тӗпренчӗкӗ пек улах вырӑна шутласа кӑларма та йывӑр пулӗ, вӑл чӑнкӑ чул сӑрт ҫинче вырнаҫнӑ, ун тӑрринчен тӗлӗнмелле тавралӑха сӑнама май пур.

Маяк пӗр-пӗринпе юнашар тӑракан виҫӗ чӑнкӑ чул сӑртсен чи ҫӳлли ҫинче вырнаҫнӑ. Пӗр енчен пӑхсан ҫак Háidrangur ятлӑ хысак питӗ шӗвӗр пек туйӑнать, анчах чӑннипе унӑн тӑрри самай лаптак та сарлака. Унта вертолетпа ҫеҫ ҫитме май пур. Утрав ҫине вӗҫме чи малтанах уяр та пӗлӗтсӗр ҫанталӑк кирлӗ. Исландире вара ку сайра хутра кӑна пулать.

Исланди ҫыранӗсем патӗнче вырнаҫнӑ Вестман утравӗ ҫинче Тридрангар маяка 1939 ҫулта туса лартнӑ. Вӑл вӑхӑтра вертолетсемпе усӑ курма тытӑнайман-ха, ҫавӑнпа та океан варринче тӑракан чӑнкӑ чул сӑрт ҫинче ӑна тӑвасси ҫав тери йывӑр ӗҫ шутланнӑ.

«Чи малтанах пирӗн чул ту тӑррине ҫул хывмаллаччӗ. Ку тӗлӗшпе пире Вестманнаэйяр утравӗсенчи ӑста скалолазсем пулӑшрӗҫ. Эпир вӗсем валли пӑра, мӑлатук, сӑнчӑр тата вӗсене пӗр-пӗринпе хӗстерме пулӑшакан хӗскӗчсем илсе килтӗмӗр. Тӑрринче нимӗнрен те ҫакланма май ҫукччӗ, ҫавна май пӗр альпинисчӗ чӗркуҫҫийӗ ҫине тӑчӗ, иккӗмӗшӗ ун ҫине хӑпарса тӑчӗ, виҫҫӗмӗшӗ вара иккӗшин ҫине те хӑпарса тин ту тӑррине лекме пултарчӗ. Ҫак калама ҫук хӑрушӑ ӗҫе сӑнанӑ май ман чун мӗнлерех ҫӳҫенсе тӑни пирки каласа пама пит йывӑр», — аса илнӗ 30-мӗш ҫулсенче маяк тума хутшӑннӑ рабочисенчен пӗри.

Ӗлӗк ҫак чул татӑкӗ евӗр утрав ҫинче техникӑна пӑхса тӑракансем пурӑннӑ, вӗсем пӗр-пӗрне ылмаштарса улшӑнса тӑнӑ. Темиҫе теҫетке ҫул хушши кунта ӗҫлекенсем кимӗпе ишсе килнӗ, кайран вара ҫӑмӑл мар ҫулпа чӑнкӑ чул сӑрт ҫине хӑрушла ҫӳллӗш ҫине хӑпарнӑ.

Паянхи куна илсен маяк йӑлт автоматизациленӗскер. Хӑш-пӗр чухне кунта рабочисем маяка тӗрӗслеме, кӑлтӑксене тӳрлетме вӗҫсе килеҫҫӗ. Кунти тавралӑх вара чӑн та питӗ чаплӑ.

Гисли Гисласон пилот командӑпа пӗрле утрав патне ҫывхарнӑ чухне вертолетран тӗлӗнмелле видео ӳкернӗ те ӑна пурин валли вырнаҫтарнӑ.

Рабочисен команди утрав ҫинче ҫӗр каҫнӑ, каярах утрав ҫинчен уҫӑлакан тавралӑха сӑнаса киленнӗ. Арҫынсем кунти хатӗр-хӗтӗрӗ, ҫавӑн пекех маяк мӗнле ӗҫленине тӗрӗсленӗ, хӗвелтен ӗҫлекен батарейӑсемпе электросистема валли профилактика ирттернӗ.

Ҫак тӗлӗнмелле вырӑн исландсен саспенс майрине, Ирса Сигурдардоттир ҫыравҫӑна «Why Did You Lie» детектив-бестселлер ҫырма хавхалантарнӑ. Кунта интернет ҫыхӑнӑвӗ чаплах мар пулин те маякӑн ҫавах та Фейсбукра хӑйӗн страници пур.

 

Текста кунтан илнӗ: https://bigpicture.ru/mayak-tridrangar-luchshee-mesto-chtoby-perezhit-zombi-apokalipsis/

Редакцирен: Асӑрхӑр — Фейсбук Meta организацин шутланать. Раҫҫейре ӑна эктремистлисен йышне кӗртнӗ.

 
Editorial note: The publication of articles does not mean that the editorial board shares the opinion of its authors.
[Comments (2)]

Comments:

Евразиец // 3447.04.5759
2023.08.15 14:31
The comment was deleted.: комментари ҫырас йӗркене пӑсни (1.11-мӗш пункт)
Agabazar // 5593.0.3361
2023.08.15 16:03
Agabazar
Кунашкал япалана «сăрт» темеççĕ. Чакăл темелле.

Comments

Your Name:
Your Comment:
B T U T Headline1 Headline2 Headline3 # X2 X2 Image http://
WWW:
ĂăĔĕÇçŸÿ
Symbols used: 0 symb. Maximum symbols: 1200 symb.
CLICK HERE to choose from a number of free Chuvash keyboard layout software.
 

Supported HTML Tags:

<i>...</i> <b>...</b> <u>...</u> <s>...</s> <a>...</a> <img> <h1>...</h1> <h2>...</h2> <h3>...</h3> <pre>...</pre> <sub>...</sub> <sup>...</sup> <ul> <ol> <li>

Orphus

In Other Languages

Banners

Counters