Sign in | Sign Up | Signing in will enable you to post comments and send messages to the users.
 +12.3 °C
Не говори всегда что знаешь, но знай всегда что говоришь.(Клавдий)
 

Ad

Виталий Станьял: Таниял Элкей сӑввисем

Виталий Станьял29.02.2024 10:253252 views

«Тӑван Атӑл» журнал 2024 ҫулхи 1-мӗш кӑларӑмра ҫӗнӗ сӑвӑҫпа — Таниял Элкейпе (Даниил Медведевпа) паллаштарнӑ. Вӑл Чӑваш патшалӑх университетӗнче юриста вӗренет. Хӑй Патӑрьел районӗнчи Кивӗ Ахпӳрт ялӗнчен Хӑйсен ял ачине паллӑ сӑвӑҫӑ Марина Карягина ӑшшӑн пилленӗ, питӗ пысӑк шанчӑкпа мухтаса илнӗ.

Сӑнӳкерчӗкре эпӗ сӑвӑҫӑн питӗ тимлӗ сӑн-сӑпатне тата кӑкӑрӗ ҫинчи сакӑр вӗҫлӗ Арама ҫӑлтӑрне курса савӑнтӑм. Ахальтен ҫакман чӑваш паллине каччӑ. Тӑван халӑхӑн историне вӑл тӗпрен пӗлет, ӑна хаклать. Тури Туҫа вӑтам шкулне мухтамалла-ши вӗренекенӗсем тӗплӗ пулнишӗн е сӑвӑҫ хӑй пулӑмсен тымарне тупма пӗлет? Апла-и, капла-и — Таниял кӑмӑлӗпе вӗлтӗртетекен, шухӑшӗпе хывӑх чуптаракан сӑмахҫӑ мар. Вӑл халех виҫе картне тупма пултарнӑ ӑста. Сайра тӗл пулакан пултарулӑх, ӑна «чӑваш тӗнчинче сайраран пӗрре ҫуралакан поэт» тенӗ умсӑмахра. Тӗрӗсех каланӑ. Упрантӑрччӗ вӑл, ӳстӗрччӗ. Хӑй каларӑш, «пулинччӗ вӑл Чӑваш Сӑмах эткерӗлӗхӗн сыхчийӗ».

Каҫса кайса вылять тӑван сӑмахпа Таниял. Калама май ҫуккине каласшӑн, курма май ҫуккине кӑтартасшӑн. «Кун-ҫулӑмӑр пӑрлак вучаххине шӗл чӗм кӳртен тӗнче илемӗ чӑлпар! саланнӑ ӳксе куҫкӗскилле, шур хур ҫунат ун тусанне пухса илеймӗ» («Таса илем» сӑвӑ). Ку ӳкерчӗке шӗкӗлчесе пӑхма кашниех вӑй ҫитереймӗ. Антив, поэт шыратӑр. Таниялӑн шухӑшлавӗ такам хывнӑ йӗрпе пымасть. Кӑткӑс вӑл, сӑнарлӑ, анчах уҫӑмлӑ («эсех, тап-ташӑ маншӑн — тап-таса!» («Ташӑ»). «Хир», «Атӑл вилет», Тумлам-тумламӑн», «Чӗмсӗр», «Хура юр» «Тунсӑх» тата ытти сӑвӑсене вуласа, «чӗмсӗр мар» каччӑн шухӑш-туйӑмне сӑнатӑп. Тимлесе вуласан ҫеҫ тӑнланса илейретӗн иккен ӑна!

Чӑнах та, шухӑшлӑ, туйӑмлӑ (кӑштах сӑвӑрса ҫитереймен пек туйӑнакан йӗркесем тӗл пулсан та), чун-чӗрешӗн пӗлтерӗшлӗ ярӑм сӗннӗ журнал.

Таниялӑн малашӗ пултӑрччӗ, ҫамрӑк шухӑшлавҫӑ пурнӑҫ илемӗн тӗшшине шырама пӑрахминччӗ!

 

Виталий Станьял

 
Editorial note: The publication of articles does not mean that the editorial board shares the opinion of its authors.
[Comments (13)]

Comments:

Agabazar // 3070.35.6440
2024.02.29 12:54
Agabazar
Н. И. Ашмарин Еткер сăмаха яланах умĕнхи йот-па çырнă. Нихçан та Эткер темен. http://ru.samah.chv.su/s/еткер
Agabazar // 3070.35.6440
2024.02.29 12:59
Agabazar
Ну, тен, таçта урăх тĕлте пур пуль ĕнтĕ.

Анчах та никĕсре, фарси чĕлхинче те вăл йот-па пулма кирлĕ. Станьялăн хăйĕн мăнукĕ те, авă, Йаткар ятлă теççĕ. Паллах, Аткар мар пуль ĕнтĕ.
Сергей Пятаков // 4139.86.9479
2024.02.29 16:55
Шел пулин те, чӑваш поэзийӗ тахçанах вӗтелсе кайнӑ. Медведев сӑввисенче мӗн пур? Поэтах-ши вӑл?

Pages: 1, [2]

Comments

Your Name:
Your Comment:
B T U T Headline1 Headline2 Headline3 # X2 X2 Image http://
WWW:
ĂăĔĕÇçŸÿ
Symbols used: 0 symb. Maximum symbols: 1200 symb.
CLICK HERE to choose from a number of free Chuvash keyboard layout software.
 

Supported HTML Tags:

<i>...</i> <b>...</b> <u>...</u> <s>...</s> <a>...</a> <img> <h1>...</h1> <h2>...</h2> <h3>...</h3> <pre>...</pre> <sub>...</sub> <sup>...</sup> <ul> <ol> <li>

Orphus

In Other Languages

Banners

Counters