Тем хӑтланакан та пур. Ҫак кунсенче Шупашкар ҫынни вӑрӑм тунасемпе сӑнав ирттернӗ. Вӗсем ҫыртнине хӑй мӗнле чӑтса ирттернине пӗлесшӗн пулнӑ вӑл. Хайхискер Атӑл леш енче вӑрӑм тунасене «ҫитернӗ».

Евгений Столяров хӑйне вӑрманта ҫыхса хуртарнӑ. Вӑрӑм тунасем ӑна тӳрех тапӑннӑ. Вӗсем кӗлеткипех ҫыртсан мӗн пулать? Ҫакна пӗлесшӗн ҫуннӑ вӑл.

Вӑрмана вӑл юлташӗпе кайнӑ. Пилӗкӗ таран хывӑннӑскер вӑрӑм тунасене мӗн чухлӗ вӑхӑт «тӑрантарнӑ»? Евгений 19 минут ҫеҫ чӑтайнӑ.

Хӑй вӑл слесарь.

More...

Сирӗн ал айӗнче вӑрӑмтунасенчен сыхланмалли япала ҫук пулсан нӑйкакан кӑпшанкӑсенчен шар кӳме тивессине пӗрре те пӗлтермест. Эсир ахаль япаласенченех вӑрӑмтунасенчен сыхланмалли хатӗр ӑсталама пултаратӑр.

Тӗнче тетелӗнче шырасан тӗрлӗ хатӗрсене тупма пулать, вӗсен йышӗнче ҫак меслет — чи анлӑ сарӑлни. Инҫетри Дубай хулан тӳре-шари те ҫак хатӗрпе усӑ курма сӗннине шута илсен хам тӗрӗслемен пулин те вӑл чӑн та усӑллӑ пуль тесе шутлатӑп.

Пластик кӗленчен икӗ пайӗ ҫӑтах вырнаҫман пулсан вӗсене скотчпа ҫыпӑҫтарма пулать.

More...