Ювелир капӑрлӑхӗ илемлисӗр пуҫне сывлӑхшӑн та усӑллӑ пулать иккен.

Ӑсчахсем ятарлӑ датчиклӑ ылтӑн хӑлха ҫакки шухӑшласа кӑларнӑ. Ҫав япала хуҫин сывлӑхне сӑнаса тӑрать. Хатӗре смартфонпа ҫыхӑнтармалла, вӑл кирек епле хӑлха ҫакки валли те юрӑхлӑ.

Датчиксем хӑлха ҫаккин хуҫин хастарлӑхӗн шайне виҫеҫҫӗ, вӑл мӗн чухлӗ калори пӗтернине, чӗре епле ӗҫленине.

«Ӑслӑ» хӑлха ҫакки iOS тата Android никӗсӗллӗ сматрфонсемпе ӗҫлет. Вӗсемпе Bluetooth 4.0 урлӑ пӑралуксӑр меслетпе ҫыхӑнать.

More...

Иртнӗ уйӑх вӗҫӗнче SpaceShipTwo суборбиталлӑ космос карапӗ Калифорнинчи Мохаве пушхирӗнче йӑтӑнса аннӑ. Ун пирки карапа тунӑ Virgin Galactic компани (унӑн хуҫи Британи миллиардерӗ Ричард Брэнсон иккен) пӗлтернӗ.

Карапа тытса пынӑ икӗ пилотран пӗри вилнӗ-мӗн. Инкек сӑлтавӗ хальлӗхе паллӑ маррине пӗлтереҫҫӗ. «Би-би-си» эфирӗнче тухса калаҫнӑ Британи астрофизикӗ Дэвид Уайтхаус шучӗпе инкек сӑлтавӗ карапра топливо сирпӗнни пулма пултарать.

Тӗрӗслев мелӗпе карап 2010 ҫулта пуҫласа тӗнче уҫлӑхне вӗҫсе хӑпарнӑ.

More...

Геронтологсем каланӑ тӑрӑх пурнӑҫ пахалӑхне апат та витӗм кӳрет. Паллашар-ха вӗсемпе. Списока уйрӑмах усӑллинчен тытӑнар.

1. Хура ҫырла. Вӑл антоцианидинпа чи пуян ҫимӗҫ. Антиоксидантсенчен вӑл чи вӑйли. Ку ҫырла куҫ курассине лайӑхлатать кӑна мар, организмӑн нумай функцине ырӑ витӗм кӳрсе ватӑлассинчен сыхлама пулӑшать. Хура ҫырла Паркинсон, Альцгеймер чирӗсенчен сыхлать. Вӑл юн тымарӗсене ҫирӗплетет, юнри сахӑр шайне чакарать.

2. Помидор. Хальхи вӑхӑтри чи вӑйлӑ антиоксидантсенчен тепри – ликопенӗ Помидорта вара ҫав япала пуринчен нумай.

More...

Хальхи вӑхӑтра та пултаруллӑ скульпторсем пур. Мӗнех, кӑмӑла каймалли ӗҫсемпе паллашар-ха эппин.

Михай Эминеску поэт, Румыни

Михай Эминеску ячӗ паян кирек епле румынпа молдаваншӑн та ҫветтуй евӗрех. Ун ячӗпе Румынинче ҫакӑн пек скульптура лартнӑ.

Лас-Колинасри (АПШ) тискер лашасем

Бронзӑран шӑратса тунӑ тискер лаша кӳлеписем вӗсен чӑн виҫинчен 1,5 хут пысӑкрах. Скульптурӑн тӗп шухӑшӗ – чарӑнми вӑй-хала, пуҫарулӑха тата ирӗклӗ кӑмӑл-туйӑма палӑртасси.

More...

Кун каҫипе эпир мӗн тӗрлӗ кӑна информаци «ҫӳп-ҫапӗпе» пуҫа тултармастпӑр-ши! Ҫавӑнпа та AdMe.ru портал ытлашшине сирсе кирлине кӑна хӑварас тесе сахал ӳкернипех шухӑша уҫса панӑ 20 сӑнӳкерчӗке пухнӑ.

Ачаран юратса ӳснӗ, вилӗмсӗр совет мультфильмӗсенчи сӑнарсен ячӗпе хӑш актер калаҫнине пурте пӗлмеҫҫӗ-тӗр. Ачасене кӑна мар, аслисене те кӑсӑклантаракан ҫав фильмсенчи чӗрчунсене паллӑ та чаплӑ артистсем «калаҫтарнӑ». Ҫавсен шутӗнче Василий Ливанова, Евгений Леонова, Олег Анофриева, Юрий Никулина, Анатолий Папанова тата ыттисене асӑнмалла. Мультфильмсенчи сасӑсене пула та кинокартинӑсем ят ҫӗнсе илнӗ теме юрать пулӗ. Акӑ, Фрекен Бока Фаина Раневская, Кеша попугая Геннадий Хазанов калаҫтарман пулсан асӑннӑ сӑнарсене урӑх сасӑпа йышӑнаяссӑн та туйӑнмасть.

More...

«Пӗчӗк-ха вӑл. Ӑнланмасть», – тет кутӑн-пуҫӑн тӑма хатӗр шӑпӑрланӗ пирки хӑш-пӗр ашшӗ-амӑшӗ. Лаша пуласси тихаран паллӑ, ҫын пуласси – ачаран тесе ваттисем ахальтен каламаннипе психологсем те килӗшеҫҫӗ. Ача иртӗхсе ӳсессине пӗчӗклех палӑртма пулать иккен. Сӑнасарах пӑхмалла кӑна.

1. «Ман тӑвас килет».

Ку вӑл ача ӳлӗмрен иртӗхсе каяссин пӗрремӗш палли иккен. Ҫемьере ачана ытлашши ирӗк панине кура вӑл хӑйне ҫӗр ҫинчи чи пӗлтерӗшлӗ фигура евӗр туять. Ашшӗ-амӑшӗ ҫакӑн пек тытнин сӑлтавӗ тӗрлӗрен пулать иккен.

More...

Миссисипи

Ҫурҫӗр Америкӑра Миссисипи юханшывӗ питех те пӗлтерӗшлӗ вырӑн йышӑнать. Вӑл 30 ытла штатӑн шывне пӗр ҫӗре пухать. Юханшывӑн тарӑнӑшӗ – 60 метр таран. Ҫавӑнпа та ун тӑрӑх карап таврашпе ҫӑмӑллӑнах кайма пулать.

Сент-Лоуреанс

Канадӑра та тарӑн шыв пур. Унӑн тарӑнӑшӗ – 65 метр таран. Вӑл Аслӑ кӳлӗсемпе ҫыхӑннӑ, вӗсене Атлантика океанӗпе тата Ҫурҫӗр Америкӑри ытти юханшывпа ҫыхӑнтарать.

Гудзон

Нью-Йоркра ку юханшыв паллисенчен пӗри.

More...

Юнгас ҫул

Юнгас ҫула «Вилӗм ҫулӗ» тесе те калаҫҫӗ. Ун ҫинче ҫулсерен 300-е яхӑн ҫын пурнӑҫӗ татӑлать. Боливин тӗп хулинчен, Ла-Пасран, асӑннӑ ҫӗршыври Коройко хулине илсе каять. 60 ҫухрӑмлӑ ҫул тем тӗрлӗ хӑпармалли вырӑнсемпе, ҫул ҫаврӑнӑшсемпе пуян. Вӑл ҫулпа чӳк уйӑхӗнчен тытӑнса пуш уйӑхӗччен пачах камйа сӗнмеҫҫӗ: тӗтрене тата ҫумӑра пула ҫул курӑнманпа пӗрех. Ҫул ик айккипе вырнаҫнӑ тӗлӗнмелле хитре вӑрмансемпе шыв тапписем ытарайми илемпе куҫа йӑмӑхтараҫҫӗ.

More...

Мӑйракаллӑ Моисей

Микеланджело Буанароттин 1513–1515-мӗш ҫулӗсенче калӑпланӑ хӑйӗн ӗҫӗнче Моисея мӑйракаллӑ кӑтартнӑ. Ӳнер историкӗсенчен чылайӑшӗ ҫакна автор Библие тӗрӗс мар ӑнланнипе ҫыхӑнтараҫҫӗ. Синай тӑвӗ ҫинчен Моисей йывӑҫ хӑмасемпе аннӑ чухне иудейсене унӑн сӑнӗнчен пӑхма йывӑр пулнӑ. Ҫав вырӑн пирки каланӑ чух сӑмаха «пайӑрка» тесе те, «мӑйрака» тесе те куҫарма пулать. Контекст тӑрӑх Моисей пичӗ хӗвел пайӑрки евӗр ҫуталнине ӑнланма пулать.

Чечеклӗ авалхи тӗнче

Авалхи грексен тата римсен шурӑ мрамортан ӑсталанӑ скульптурисем тӗссӗр пулнӑ тесе чылай вӑхӑт шухӑшланӑ.

More...