«Пӗркласрисем» халӑх тетелӗнчи пирӗн ушкӑнра вырнаҫтарнӑ ҫак шухӑша сайта та кӗртес килсе кайрӗ. «Пӗркласрисем» халӑх тетелӗнчисем ҫеҫ мар, ыттисем те паллашчӑр тесе.
Паян чӑвашла радио итлесе пӑхрӑм. Шухӑшӗ лайӑх, анчах та чӗрӗк пайне кӑна чӑвашла калаҫаҫҫӗ, ертсе пыраканӗсем чӑваш сӑмахӗсене йӑнӑшпа калаҫҫӗ. Вӗсем пурте тенӗ пек чӑваш шкулӗнче вӗреннӗ (Чӑваш ен хулисене чӑвашах тесе шутлатӑп) чӑваш чӗлхипе литература урокӗсенче 4–5 паллӑ илнӗ. Ҫавах та чӑвашла хырӑм выҫать теме кӑна тӑнлаҫҫӗ.
Районрах ял ачисемпе интернет урлӑ калаҫса куртӑм. Вӗсем патне ҫыратӑп, вӗсем ашшӗ-амӑшӗ патне ҫырса куҫару ыйтаҫҫӗ. Хӑйсен чӑваш чӗлхипе 4–5 паллӑ.
Пире пурне те хӑлха ҫине ҫакаҫҫӗ: «чӑваш чӗлхине малалла туртатпӑр тата ҫӗклетпӗр», — тесе. Нимӗн те тумаҫҫӗ лайӑххине, пӗтӗмпех суйса каялла тӗкеҫҫӗ. 20 сӑмах вырӑсли ҫине пӗр сӑмах чӑвашла каланипе нимӗнле юрӑхлӑ япала та пулмасть. Чӑваш сӑмахӗсене вырӑсла каланипе чӑвашлӑх малалла каймасть.
Кун пек мӑшкӑл тума кирлӗ мар ӗнтӗ чӑвашран. Манӑн шухӑша чӑн чӑвашла итлес килет, ҫӗнӗ сӑмах илтес килет, анчах та хальлӗхе мӑшкӑлтӑк япала ҫеҫ пулать.
Радиора тата телевиденинче чӑваш чӗлхине пӗлекен чӗлхеҫӗ кирлӗ. Вӗренттӗр тата пулӑшса пытӑр.
Хӑсӑк килет "Тӑван радио" кӑларӑмӗсене итлесе. Темӗнле пӑтранчӑк пӑтӑ та нимӗр.Намӑс мар-и яваплӑ ертӳҫӗсене хамӑр халӑх укҫипе ҫапла иртӗхме! Радио мар, тем мурла кӑруҫҫел ҫумӗнчи палакан.
<i>...</i> <b>...</b> <u>...</u> <s>...</s> <a>...</a> <img> <h1>...</h1> <h2>...</h2> <h3>...</h3> <pre>...</pre> <sub>...</sub> <sup>...</sup> <ul> <ol> <li>
+14.3 °C
Хӑсӑк килет "Тӑван радио" кӑларӑмӗсене итлесе. Темӗнле пӑтранчӑк пӑтӑ та нимӗр.Намӑс мар-и яваплӑ ертӳҫӗсене хамӑр халӑх укҫипе ҫапла иртӗхме! Радио мар, тем мурла кӑруҫҫел ҫумӗнчи палакан.