Sign in | Sign Up | Signing in will enable you to post comments and send messages to the users.

По-русски

-3.7 °C

Прибавь еще один оттенок к радуге.(Шекспир)

Ad

Малалла утар!

Ман кукаҫи — Карп Григорч

■ 21.07.2008 21:34 | 6656 views

Тӑвансем патне ҫитсен вӗсен сӑнӳкерчӗксен пуххинче хамӑн кукаҫин сӑнӳкерчӗкне куртӑм. Карп Григорч ҫуна тума ӑста пулнӑ. 102 ҫула пурӑнса ҫитнӗ. Мӑшӑрӗ — Евдокия пулнӑ (малтанхи арӑмӗ). Вӗсен Офимия, Елена, Фёкла (хӗр чухнех вилнӗ. Хӗлле Атӑл урлӑ каҫнӑ чухне) тата Анастасия хӗрӗсем пулнӑ. Иккӗмӗш хут авлансан (Фёкла ятлӑ пулнӑ) Василий ҫуралнӑ. Анастасийӑн виҫӗ ача пулнӑ — Евдокия, Нина, Николай (вӑл салтак пулнӑ, Тихвина куҫса кайнӑ). Ман атте — Евдокийӑн ачи.
Карп Григорч чаплӑ ҫын пулнӑ!

Район хаҫачӗсем интереслӗрех?

■ 21.07.2008 20:36 | 5873 views

Утӑ уйӑхӗнчен пуҫласа «Тӑван Ен» хаҫата ҫырӑнса илме пуҫларӑм. Ку Шупашкар районӗн хаҫачӗ. Тиражӗ 2250 экземпляр, эрнере икӗ хут тухать: юнкунпа шӑматкун. Хаҫатӗнче ҫырнӑ пек каласан: чӑвашла тухать, хушӑран вырӑсла хушма листасене хушаҫҫӗ.
Хальхинче тӑван киле килсе кайнӑ чухне хаҫата пӑхса тухрӑм. Мӗн калас? Хаҫачӗ интереслӗ, «Хыпарпа» танлаштарсан — кӑсӑклӑрах. Кулленех тӗрлӗ пайсем тухаҫҫӗ: «Ватлӑх хисепе юратать», «Йӗркелӗх хуралӗнче», «Атӑл хумӗсем» (литература пайӗ), «Ҫунатлӑ ҫамрӑклӑх» (ман алӑра 4 кӑларӑмӗ кӑна, ҫавна май тен ятарлӑ пайсен шучӗ тата та ытларах пулӗ.

Чӑваш литературипе ачасем кӑсӑкланаҫҫӗ-и?

■ 10.07.2008 22:30 | 6856 views

Интереслӗ пӗтӗмлетӳ шыраса тупрӑм:
http://www.chuvrdub.ru/model.htm

Вулавӑшӗ Шупашкарти пулас... Адресӗ ҫапла: «428027, Чувашская Республика, г. Чебоксары, пр. И.Яковлева, 8 а.» /аран-аран шыраса тупрӑм/. Вӗсене ӗненес пулсан ачасем чӑвашла кӗнекесене те вулаҫҫӗ!

//Сайтне тунӑ чухне эпӗ хатӗрленӗ ӳкерчӗксене те усӑ курнӑ: http://www.chuvrdub.ru/head.html — вулакан хӗрачине ман сайтран илнӗ (Енкка кӗнеки)

Яковлев шайне ҫитме пулӗ-ши?

■ 06.07.2008 19:24 | 5734 views

Статья черновикӗ. Хальлӗхе шухӑшсене кӑна ҫырса хутӑм.

Чӑваш чӗлхи питӗ пысӑк хӑрушлӑхра. Вӑхӑчӗ пер вырӑнта тӑмасть, шӑвать те шӑвать малалла. Чӗлхи вара, пур, пӗр вырӑнта тӑрать пулас. Самани улшӑннипе чӗлхе валли те ҫӗнӗ хатӗрсем кирлӗ. Пӗр пӗлӗш калашле «Чӑваш чӗлхи каллех ҫыруллӑхсӑр чӗлхе пулса тӑчӗ». Чӑнах та, тин ҫеҫ туяннӑ компьютера илес пулсан унта нимӗнле чӑваш чӗлхи те ҫук. Чӑвашла ҫырмалли майне тӑвас пулсан — ӗнерлемелле. Кам пӗлет — ӗнерлет, пӗлменни вара компьютера ҫаплипех, чӑвашла ҫырмасӑр, усӑ курать.
Яковлев саманипе хальхи саманана танлаштарсан мӗн куратпӑр?

ПЫСӐК САСПАЛЛИСЕМ е вулав вӑрттӑнлӑхӗ

■ 03.07.2008 09:40 | 5534 views

Ӗнер мана пӗр япала пирки пӗлтерчӗҫ — пысӑк саспаллисемпе ҫырни вулама чӑрмантарать иккен. ПЫСӐК САСПАЛЛИСЕМПЕ ҫырнӑ текстӑн ҫӳлтипе аялти йӗрӗ тип-тикӗс. Тикӗс йӗртен тухакан мӑкӑлчӑксем ҫук, пур пулсан та вӗсем япӑх палӑраҫҫӗ. Ку вӑл вулама кансӗрлентерет — ҫын сӑмаха вуланӑ чухне сӑмахӑн кӗлеткине курать иккен — ҫав кӗлетки ӑна палласа илме пулӑшать. Алфавитра тӗп йӗртен тухакан саспаллисем пурри лайӑхрах — ку енчен чӑваш алфавичӗ вырӑслинчен лайӑхрах (пирӗн «ӑ, ӗ, ҫ, ӳ» пур, вӗсем пурте тӗп йӗртен тухса тӑраҫҫӗ. «ӑ, ӗ» — кусен тӑрри пур, «ҫ, ӳ» — кусем аялти йӗртен тухса тӑраҫҫӗ).

Туркменсем хӑйсен уйӑх ячӗсене тавӑраҫҫӗ

■ 01.07.2008 12:54 | 5605 views

Туркменсен паянтанпа каллех пурте усӑ куракан уйӑх ячӗсем пулӗҫ. Малтанхи ятсене Сапармурат Ниязов кӗртнӗ пулнӑ иккен. Сӑмахран, кӑрлач уйӑхӗ «Туркменбаши» ятлӑ пулнӑ. Малашне вара ку уйӑх ячӗ... «Январь» пулӗ. Кун ячӗсем те малтанхисем таврӑнӗҫ. Кунта «понедельниксемпе» «воскресеньесем» мар, хайсеннисем пулӗҫ. «Пуҫкунсемпе» (тунтикун, куҫарсан - «тӗп кун») «тӑнчкунӗсем» (вырсарникун, куҫарсан «кану кунӗ» пулать) мар, Duşenbe, Sişenbe, Ҫarşenbe, Penşenbe, Anna, Şenbe, Ýekşenbe.

Юрать-ха пирӗн тунтикунӗсемпе вырсарникунӗсем ҫирӗп (хӑйшӗсене ҫавах та вырӑсла ячӗсем ӑнланмалларах.

Эх! Мӗн пулать?!

■ 26.06.2008 22:12 | 5729 views

Пӗлместӗп ӗнтӗ, те лайӑх хыпар, те начар.

http://lenta.ru/news/2008/06/26/domains/ — 2009 ҫулта пӗрремӗш шайри доменсене регистрацилеме ирӗк парӗҫ. Пӗлместӗп ӗнтӗ, те лайӑх ку, те япӑх. Сӑмахран, .chv регистрацилеме май пулӗ :)

Халӗ халӑхӑн ытларах пайӗ тӳрех пӗлет — домен малтан www-па пуҫланать, .ru-па вӗҫленет. Кайран мӗн пулӗ?
.org, .gov, .ru, .cv доменсенчи чикӗсем юрӑхсӑра тухӗҫ-ши? Сӑмахран, .org доменра коммерциллӗ мар организацисене ҫеҫ, .cv доменра — пӗр патшалӑхри сайтсене ҫеҫ регистрацилеҫҫӗ. Малалла мӗн пулать?

Домен питӗ хаклӑ пулни ҫеҫ чарӗ пулас.

«Тантӑш» редакцийӗнче пултӑм

■ 26.06.2008 10:55 | 5749 views

Эпир конкурс пуҫарнӑччӗ, ҫав конкурс положенийӗ нумай пулмасть «Тантӑшра» пичетленнине каларӗҫ те хаҫата шырама тухрӑм. Ун чухне Чӑваш патшалӑх гуманитари институтӗнче пулнӑран чи малтан «Студентсен хули» чарӑнура вырнаҫнӑ «Чӑвашпичет» УАО киоскне кайса пӑхрӑм. Хаҫат пур иккен, анчах та вӑл кун тухнӑскер кӑна. Маларах тухнӑ кӑларӑм ҫук, мана вара шӑп та лӑп вӑл кирлӗччӗ.
Тепӗр кунхине вара «Тантӑш» редакцине ҫул тытрӑм. Ку шӑматкун пулчӗ, анчах та вӑл кун Чӑваш Енре ӗҫлетчӗҫ — тунтикуна ҫапла куҫарнӑччӗ.
Тавах редакцине, хаҫатне тупса пачӗҫ, парнелерӗҫ те.

Республика кунӗ килӗшмерӗ

■ 25.06.2008 16:15 | 5519 views

Кану вӑхӑтне (отпуска) илнӗ чухне Республика Кунӗ лектӗр тесех илтӗм. Анчах та ӗнер Шупашкарта тытӑнса тӑмарӑм — хула, Чӑваш Ен килӗшми пулса тӑчӗҫ. Ӑҫта пӑхан — унта вырӑс чӗлхи кӑна. «Раҫҫей ҫӑлкуҫӗсем» ятлӑ савӑнӑҫлӑн утса тухнине те вӗҫне ҫити ӳкермерӗм. Килӗшмерӗ те каялла кайрӑм. Халӑхӗ те килӗшмерӗ. Бельгинчен килнӗ клоунсем патӗнчен хӑпма пӗлмеҫҫӗ. Вӗсем хыҫҫӑн кӗтӳ пекех пыраҫҫӗ. Лешӗсен вара параппанпа хытӑ сасӑ кӑларнисӗр пуҫне нимӗн те ҫук. Тӑнлӑраххисем вӗсенчен хӑпрӗҫ — «хӑлха ӳҫсе ҫитрӗ вӗсен параппанӗсене итлесе» тесе айӑккинелле уйрӑлса кайрӗҫ.

Транскрипци

■ 27.05.2008 22:03 | 6216 views

Эх... вӑхӑчӗ ҫук, тата сесси ҫывхарса пырать. 10 йӗркерен тӑракан текста транскрипцилемелле.

[паjа́н марина́ ир'э́х търза́ ла́рч,ь//чуна́ ҫ ̌зэндэрэгэ́н' дэмл'э́ ду́jъм ̌зан̌зуръма́ γьзн’ь̌зэ́м’ьн’ хьзе́т’//пу́ҫ ҫин’э чаза́х тэм’ьн’ jъдънза́ ана́с п’эк’ туjъна́т’//чьр’э узала́ cи́сн’ьн’ хы́т:ън таба́т’/ъш върга́т’//убъшк’ин’э́ кура́с/ун гу̌зьн’ч,э́н’ пъγа́с шу́γъш х’ьр’а́ръмън бу̌зьн’ч,э́н’ каjма́рь//х’ьр’а́ръмън jура́тнъ мъжърь́ у́н бурнъ̌зн’э́ тадма́ хал ̌з’ид’э́р’н’ь/jут х’ьр’а́ръм былакн’э́ туданза́ ун въjьн’ч,’э́н’ ир’д’эjм’э́н’/м’э́с’к’ьн’//ҫи́ч,:ь ̌зитсэ́ быра́т’//маринън убъшки́ ь̌зэ́ каjма́ ҫа́к сеγедр’э́ туγага́нч,’:ь//х’ьр’а́ръм тумла́нч,’ь де хъj малда́н пу́рън:ъ т’ьл’э́ ут:а́рч,’ь//а́гъ пал:а́нъ ҫу́рт//чазах под/эзд а́лъгь у́̌зълч,’ь//въ́л//ха́л’ь ди́ма jаланγи́ бек шу́гъл’ тумланма́н//пинжа́г’ь де к’ив’э́л’н’ь/шалбарла́н:ъ//въ́л хъjь́н’ ̌з’ин’э́ тага́м т’ин’г’эр’н’ин’э́ ту́jр’ь пулмал:а́//ар̌зы́н шу́ръ ху́рън т’ьл’ьн’ч,’э́ търага́н х’ьр’а́ръм эн’:э́ пъγр’ь́]

Шел те, транскрипци паллисем пур шрифтра та ҫук :( Уйрӑмах ӳ саспаллийӗн палли ҫук.

Тӗрлӗ вӑхӑтра хывнӑ хайлавсем

■ 26.05.2008 22:32 | 5676 views

Каласаччӗ пулӗ, эпӗ унмай пулмасть, «Хыпарта» пичетленекен «Кулак ачи» романа вулама пуҫларӑм. Шел те, хаҫатра пӗрремеш пайне ҫеҫ пичетленӗ.
Тепре нумай пулмасть Юхма Мишшин «Кӑвак ҫӗмрен» романне вулама тытӑнтӑм. Икӗ роман, иккӗмӗшче те чухӑннисемпе пуяннисем хушшинчи хутшӑнӑва кӑтартнӑ. /«Кӑвак ҫӗмренӗнче» эпӗ Акатуй пуҫланнӑ тӗле ҫеҫ ҫитрӗм-ха.../ Енчен те «Кӑвак ҫӗмренре» пуянсем кахал, усал курӑнаҫҫӗ пулсан (вӗсем тара тытса ыттисене ӗҫлеттереҫҫӗ, тӗрлӗ парӑма пула вӗсен ҫӗрӗсене туртса илеҫҫӗ), «Кулак ачинче» пачах урӑхла. Унта чуханнисем кахал — кахалне пула вӗсен ӗҫӗ каймасть, пуян харкамҫӑ вӗсене яланах пулӑшма хатер.

Чи кирли — ӗҫрен хӑраманни

■ 08.05.2008 13:36 | 6114 views

Килӗшрӗ:

...
Ӗҫре ҫитӗнӳ пултӑр тесен ӗҫе юратса та вӑй-хала, вӑхӑта шеллемесӗр ӗҫлемелле. Пирте пуринче те ҫав тӑрӑшулӑх ҫук-ха, анчах вӑл пулмаллах. Ҫавӑн пек пулма пурнӑҫ, общество хӑй хушать.
Мӗн пӗчӗкрен хӗн-асаппа пурӑнатӑп пулсан та эпӗ ӗҫре те, пурнӑҫра та тӳрӗлӗхпе тӗрӗслӗхе тытса пынӑ. Ултавпа тӳнтерлӗхе эпӗ ачаран юратмастӑп, вӗсемпе яланах кӗрешетӗп. Ӗҫе ӗҫленӗ чух вӗҫне ҫитиччен чун-чӗререн тӑрӑшса лайӑх пахалӑхпа пултӑр тесе ҫине тӑратӑп. Пирӗн ҫемьере ӗҫрен хӑракан, унран пӑрӑнакан никам та пулман – Сатур йӑхӗ.
Кашни ҫын хӑйне хӑй чӑн тӳрӗлӗхпе те тӗрӗслӗхпе, типтерлӗхпе, ӗҫченлӗхпе, ялан ҫынна ырӑ тӑвас кӑмӑлпа пурӑнма хӑнӑхмалла.

Спамерсем чӑваш энциклопедине ватса тухнӑ

■ 01.05.2008 17:44 | 5497 views

http://enc.cap.ru сайта пӗр сӑмаха шырама керсе кайрӑм та унта спамерсем алхаснине куртӑм. Саспалли тӑрӑх шырама май ҫук иккен, спамерсем темле кӗртме пултарнӑ информаци кӑна тухать. Статья ятне тӗрӗс пӗлсен кӑна шыраса тупма май пур.

Сайт хуҫисем пӗлмеҫҫӗ те пулӗ...

ГђВћГ‘ВЃГђВІГђВµГ‘В‰ГђВµГђВЅГђВёГђВµ ГђВљГ‘ВѓГђВ±ГђВєГђВ° ГђВјГђВёГ‘ВЂГђВ° ГђВїГђВѕ Г‘ВЃГђВїГђВѕГ‘ВЂГ‘В‚ГђВёГђВІГђВЅГђВѕГђВ№

■ 21.04.2008 16:01 | 8090 views

ГђВђ ГђВІГђВѕГ‘В‚ ГђВёГђВЅГ‘В‚ГђВµГ‘ВЂГђВµГ‘ВЃГђВЅГђВѕ, ГђВ·ГђВЅГђВ°Г‘ВЋГ‘В‚ ГђВ»ГђВё Г‘ВЂГђВѕГ‘ВЃГ‘ВЃГђВёГ‘ВЏГђВЅГђВµ ГђВѕ Г‘В‚ГђВ°ГђВєГђВѕГђВј Г‘ВЃГђВѕГђВ±Г‘В‹Г‘В‚ГђВёГђВё? ГђВ’ГђВѕГ‘В‚ Г‘ВЂГђВµГ‘В?ГђВёГђВ» ГђВїГђВѕГ‘ВЃГђВјГђВѕГ‘В‚Г‘ВЂГђВµГ‘В‚Г‘ВЊ. ГђВ?Г‘В‚ГђВ°ГђВє, Г‘ВЃГђВјГђВѕГ‘В‚Г‘ВЂГђВёГђВј Г‘ВЃГђВїГђВѕГ‘ВЂГ‘В‚ГђВёГђВІГђВЅГђВѕ-ГђВЅГђВѕГђВІГђВѕГ‘ВЃГ‘В‚ГђВЅГ‘В‹ГђВµ Г‘ВЃГђВ°ГђВ№Г‘В‚Г‘В‹:

* http://sport.rbc.ru - ГђВЅГђВ° Г‘ВЃГђВ°ГђВ№Г‘В‚ГђВµ ГђВјГђВЅГђВѕГђВіГђВѕ ГђВІГ‘ВЃГђВµГђВіГђВѕ, ГђВЅГђВѕ ГђВіГђВ»ГђВ°ГђВІГђВЅГ‘В‹ГђВј ГђВѕГђВ±Г‘ВЂГђВ°ГђВ·ГђВѕГђВј Г‘ВЌГ‘В‚ГђВѕ Г‘В„Г‘ВѓГ‘В‚ГђВ±ГђВѕГђВ», Г‘В…ГђВѕГђВєГђВєГђВµГђВ№, Г‘В‚ГђВµГђВЅГђВЅГђВёГђВє, Г‘В„ГђВѕГ‘ВЂГђВјГ‘ВѓГђВ»ГђВ° 1.

Source: http://pcode.livejournal.com/80235.html

Кам айӑплӑ?

■ 21.04.2008 13:44 | 6369 views

Юрист судится с метрополитеном из-за кражи мобильника

Марина Веригина юрист Мускари метрополитена унӑн карас телефонне вӑрланӑшӑн суда панӑ, лешсем ӑна телефона варлама пултарассипе асӑрхаттарманнишӗн айӑплать. Пӗр енчен кулмалла пек, тепӗр енчен кашни хӑй пуҫӗпе шухӑшламалла. Ара кашни шӑтӑкра "Кунта сирӗн телефона вӑрлама пултараҫҫӗ" тесе ҫырса ҫапаймӑн.
Ку пӑтӑрмахра эп ҫакӑнпа килӗшетӗп — карас операторӗсем чӑнах та вӑрланӑ телефонӑн IMEI номерне курмӑш пулни сиен. Чикӗ леш енчи пек ун пек телефонсене ӗҫлеме чармалла.

Ырӑ ҫын!

■ 12.04.2008 21:14 | 5869 views

Ӗнер, аттен тӑхӑр кунне асӑннӑ май кӳршӗ хӗрарӑмӗ ҫакна каласа пачӗ:

Унӑн хӗрӗ (шкулта ачасене акӑлчан чӗлхине вӗрентет) автобуспа (Лапсара 10-мӗш маршрут ҫӳрет) таврӑннӑ чухне ҫакӑн пек япала пулса иртрӗ тет. Лапсартан инҫе те мар «ССК» (Ял хуҫалӑх комбиначӗ) ятлӑ чарӑну пур. Автобус ҫавӑнта ҫитрӗ тет те чарӑну патӗнче пӗр арҫын выртнине курчӗҫ тет. Лешӗ ӳсӗрскер тет. Автобус водителӗ (22-24 ҫулхи каччӑ) ҫак арҫын патне тухрӗ тет те ун ӑҫта каймаллине ыйтса пӗлчӗ тет. Лешӗ Лапсарта пурӑнни пирки пӗлтернӗ хыҫҫӑн автобусӑн картлашки ҫине йӑтса килса хӑпартса лартрӗ тет.

Чӑвашсем Канашра кӑна пурӑнаҫҫӗ-ши?

■ 07.04.2008 15:06 | 5497 views

Паян Чулхулана каякан автобуса кӗтнӗ хушӑра Канаша каякан "Газель" пирки пӗлтернине чӑвашла илтрӗм те "Кусем чӑвашла та пӗлтерме пуҫланӑ-ҫке" тесе савӑнтӑм — ара, ҫӗнӗ автовокзалта чӑвашла миҫе ҫул пӗлтермеҫҫӗ ӗнтӗ... Савӑнни кӑлӑхах пулчӗ — каярах Комсомольскине, Чӑваш Енӗн ытти ҫӗрӗсене каякан автобуссем пирки те пӗлтерчӗҫ, анчах та вырӑсла кӑна. Канаша каякан автобуса кӑна чӑвашла пӗлтерчӗҫ. Пӗрре кӑна мар, иккӗ-виҫҫӗ те.
Ҫакна итлесе ларнӑ хыҫҫӑн "Чӑвашсем Канашра кӑна пурӑнаҫҫӗ-ши?" текен ыйту ҫуралчӗ...

Ака 1-мӗшӗ темерӗн... // 1-ое апреля...

■ 01.04.2008 06:38 | 5858 views

//сообщение без перевода. Только для тех, кто знает чувашский язык. Особо любопытные могут попробовать перевести с помощью онлайн словаря http://samahsar.chuvash.org (когда заработает)

Ака 1-мӗшӗ темерӗн... Кулӑш кунӗ-ха ӗнтӗ, анчах та савӑнмалли нимӗн те ҫук. Паян мана 9 сехет ҫитеспе вӑратрӗҫ. 2 сехет тӗлӗнче ҫывӑрса кайнине шута илсен ман валли ку питӗ ир пулать. Педканаш сайчӗ ӗҫлемест иккен — паян вара чӑваш чӗлхипе интернет-олимпиада пуҫланмалла. 11 сехетре инҫекуравҫӑсем ӳкерме те килмелле. Аран-аран Акселе шӑнкаравласа тытрӑм (ҫынни ҫывӑрать иккен) — Корбина провайдер каналӗнче 7 сехетре пӑтӑрмах сиксе тухнӑ иккен.

Source: http://pcode.livejournal.com/79994.html

«Мелодии Шатьмы и Цивиля»

■ 31.03.2008 15:48 | 5541 views

http://gov.cap.ru/list4/news/rec.as ... =F_JURL_ID&id=651801

Ак ҫак сӑнӳкерчӗк ҫине пӑхатӑп та ҫакнашкал шухӑш ҫуралать: конкурсӗ чӑваш юррисемпе ҫыхӑннӑ, ятне вара вырӑсла кӑна шаплаттарса хунӑ. Чӑвашла логотипӗ епле хитре... Ҫук, килӗшмест иккен. Килӗшменни те мар пулас — пурте ӑнланччӑр тесе шаплаттарса хунӑ пулас. Эх, мантарӑнсем! Пурте ӑнланччӑр тесе конкурсне те вырӑсла ирттермелле пулнӑ — мӗн унта пӑхса тӑрар, эпир Раҫҫейре пурӑнатпӑр-ҫке...

Чӑваш чӗлхине ҫуп-ҫап вырӑнне хуни йӑлӑхтарса ҫитерет.

Шыравҫӑсем чӑвашла пӗлни

■ 30.03.2008 17:01 | 11092 views

Паян эпӗ шыравҫӑсене тӗрӗслесе пӑхас терӗм. Чӑвашла вӗсем пӗлеҫҫӗ, е ҫук. Ҫапла май эпӗ вӗсене пурне те пӗр ыйту патӑм — «сӑмахсар» сӑмаха http://samahsar.chuvash.org сайтра шырама сӗнтӗм. Ку сӑмах сайтри пур страницӑра та тӗл пулать, ҫавна май кам ытларах пӗлет — ҫав маттур.

Малтан пӗлменнисенчен пуҫлас пулӗ. Чи пӗрремеш вырӑнта http://aport.ru . Ку шыравҫӑ 2000 ҫулта паллӑччӗ. Тӗрӗсрех каласан, вӑл вӑхӑтра Раҫҫей шайӗнче 3 шыравҫӑччӗ — aport.ru, rambler.ru тата yandex.ru (алфавитпа вырнаҫтартӑм). Малтан Рамблер питӗ паллӑччӗ, каярах вара Яндекс мала тухрӗ.

Pages: 1, ... 24, 25, 26, 27, 28, [29], 30, 31, 32, 33, 34, ... 47

Menu

Orphus

Banners

Counters

0 Flood Chat

New in Blogs

￭ «Ман атте – Хӗветӗр Уяр ҫыравҫӑ»

В наивной простоте нас возвышает истина...8

Инженерные изыскания: основа качественного строительства

Рекламные агентства и SEO аудит для роста бизнеса в конкурентной среде

Купить Дайкин и наслаждаться комфортом в вашем доме в Казани

Где лучше зимовать? Топ стран с комфортным климатом

Оборудование для сварки полипропиленовых труб

Что такое аниме и почему оно привлекает зрителей?

Поставки промышленного оборудования от официального дистрибьютора

Как выбрать дачу для покупки в Ростовской области: советы и рекомендации

Когда можно получить налоговый вычет за покупку квартиры в ипотеку в новостройке

About us | Statistic
(c) 2005-2010 Chuvash.Org. Questions about the site: p-code.ru